अंजोर.धमतरी 29 सितम्बर। प्रदेश सरकार डहर ले राज्य म फसल उत्पादकता अउ फसल विविधिकरण ल बढ़ावा दे के उद्देश्य ले संचालित राजीव गांधी किसान न्याय योजना, मुख्यमंत्री वृक्षारोपण प्रोत्साहन योजना, धान, मक्का अउ कोदो-कुटकी अउ रागी उपार्जन योजना के लाभ ले के खातिर एकीकृत किसान पोर्टल म पंजीयन कराना जरूरी हावय। ये पोर्टल किसान मनके सुविधा दे के खातिर तइयार करिन गे हावय। ए पोर्टल के किसान के धारित भूमि अउ बोये गे फसल मनके रकबा के सत्यापन बर भुईयां पोर्टल ले लिंक करे गे हावय। एकीकृत किसान पोर्टल म किसान मनके नवा पंजीयन अउ पंजीकृत फसल/रकबा म संशोधन 31 अक्टूबर तक करे जात सकही। किसान मनके व्यक्तिगत, आधार अउ बैंक विवरण म संशोधन अउ वारिसान पंजीयन के कार्यवाही सरलग जारी रइही।
कृषि विकास अउ किसान कल्याण विभाग मंत्रालय डहर ले एकीकृत किसान पोर्टल म पंजीयन के प्रक्रिया के संबंध म विस्तार ले दिशा-निर्देश जारी करे गे हावय। येकर जानकारी देत कलेक्टर श्री पी.एस. एल्मा ह बताइन के येकर तहत पोर्टल म पंजीयन के पात्रता, शर्त, पंजीयन अवधि, पंजीकृत/रकबा म संशोधन, किसान के व्यक्तिगत विवरण म संशोधन, वारिसान पंजीयन, मुख्यमंत्री वृक्षारोपण प्रोत्साहन योजना के तहत पंजीयन पर्यवेक्षण अउ निगरानी उक के उल्लेख करे गे हावय। ओमन बताइन के एकीकृत किसान पोर्टल http://kisan.cg.nic.in म सबो श्रेणी के भू-धारक अउ वन पट्टाधारी किसान पंजीयन करा सकत हावयं। मुख्यमंत्री वृक्षारोपण प्रोत्साहन योजना ले वन पट्टाधारक गांव पंचायत अउ संयुक्त वन प्रबंधन समिति, जेन अपन उपलब्ध भूमि म वृक्षारोपण करत हावयं, वो ह भी ए पोर्टल म पंजीयन करा सकही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।