राष्ट्रीय आदिवासी नृत्य महोत्सव अउ राज्योत्सव 2021 : झारखंड के मुख्यमंत्री हेमंत सोरेन करही जलसा के उद्घाटन, आदिवासी नर्तक दल म नाइजीरिया, फिलीस्तीन, छत्तीसगढ़, त्रिपुरा देही प्रस्तुति

अंजोर
0

अंजोर.रायपुर, 27 अक्टूबर। राष्ट्रीय आदिवासी नृत्य महोत्सव अउ राज्योत्सव 2021 के उद्घाटन 28 अक्टूबर के पूर्वान्ह 11 बजे साईंस कॉलेज मैदान म आयोजित भव्य समारोह म मुख्य अतिथि झारखंड के मुख्यमंत्री श्री हेमंत सोरेन करही। ए कार्यक्रम के अध्यक्षता छत्तीसगढ़ के मुख्यमंत्री श्री भूपेश बघेल करही। कार्यक्रम 11 बजे ले मंझनिया 12.30 बजे तक राष्ट्रीय आदिवासी नृत्य महोत्सव म हिस्सा लेत विदेश अउ छत्तीसगढ़ सहित देश के आने-आने राज्य के आदिवासी नर्तक दल डहर ले आकर्षक मार्च पास्ट करे जाही अउ अतिथि के उद्बोधन होही। उद्घाटन समारोह म मंझनिया 12.30 ले 2 बजे तक नाइजीरिया, फिलीस्तीन, छत्तीसगढ़ के गौर सिंग नर्तक दल, होजागिरी-त्रिपुरा के दल डहर ले अपन प्रस्तुति देही। मंझनिया 2 बजे ले 3 बजे तक अतिथि डहर ले ए मउका म आयोजित प्रदर्शनी के उद्घाटन अउ अवलोकन करे जाही।

आयोजन जगह म मंझनिया 2.30 बजे ले 6.30 बजे तक बिहाव संस्कार विधा म नृत्य प्रतियोगिता के आयोजन करे जाही, जेमा सबोच दल के प्रस्तुति के खातिर 15 मिनट के समय करार करे गे हावय। ए प्रतियोगिता म 11 नर्तक दल अपन प्रस्तुति देही, जेमा गोंड जनजाति के कर्मा नृत्य-मध्यप्रदेश, कड़सा नृत्य-झारखंड, गोजरी नृत्य जम्मू-कश्मीर, गुरयाबल्लु-आंध्रप्रदेश, कारबी-तिवा-असम, डिम्सा-आंध्रप्रदेश, धप-ओड़िसा, कोम्मुकोया-तेलंगाना, दंडार-मध्यप्रदेश, बोण्डा-ओड़िसा, मेवासी नृत्य-गुजरात के प्रस्तुति होही।

शाम 6.30 ले रात 7.30 बजे तक पारम्परिक तिहार अउ अनुष्ठान, फसल कटाई-कृषि अउ आन पारंपरिक विधा म नृत्य प्रतियोगिता आयोजित करे जाही, जेमा 05 नर्तक दल हिस्सा लेही। एमे करमा नृत्य-छत्तीसगढ़, झींझीं हन्ना-उत्तराखंड, गुसाड़ी-डिम्सा-तेलंगाना, उरांव-झारखंड, सिद्धी गोमा नृत्य-गुजरात के प्रस्तुति होही।

रात्रि 8 बजे ले 9.30 बजे तक मुख्य मंच म राज्यपाल सुश्री अनुसुईया उइके के मुख्य आतिथ्य अउ मुख्यमंत्री श्री भूपेश बघेल के अध्यक्षता म कार्यक्रम आयोजित करे जाही, जेमा अतिथि के उद्बोधन के बाद स्वाजीलैण्ड, उजबेकिस्तान अउ माली के आदिवासी नर्तक दल डहर ले प्रस्तुति दे जाही।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !