अंजोर.बालोद,12 अक्टूबर। यूट्यूब चैनल म TK Satik satta Matka Guessing नाम के साईट तैयार करके ओमा रोज आने वाला सटटा नम्बर के 04 अंक के सटिक बताके विडियो,आडियो बनाके सोशल साईट म अपलोड करइया आरोपी ल पकड़े हावय बालोद पुलिस। पुलिस कोति ले मिले आरो के मुताबिक आरोपी सूचना म टीम ह घेराबंदी करके तेजेश्वर कुमार पिता जगदीश राम उम्र 24 वर्ष संजय नगर बालोद ल पकड़े हावय।
उंकर कब्जा ले लाईनिंग कागज म अंक म कल्याण नाम के सटटा पटटी, एक नग डाट पेन, नगद 2840 रूपिया अउ मोबाईल सेट बरामद करे हावय। आरोपी तेजेश्वर कुमार के खिलाफ सबूत मिले म अपराध धारा सदर 4 (क) जुआ एक्ट के तहत कार्यवाही करत विधिवत गिरफ्तार करके आगू के कार्यवाही करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।