अंजोर.रायपुर, 16 अक्टूबर। मुख्यमंत्री दाऊ भूपेश बघेल ह बिते दिन जशपुर जिला के पत्थलगांव विकासखंड म सड़क हादसा म मृतक के घर वाला ल 50 लाख रूपिया मुआवजा दे के घोसना करे हावय। पत्थलगांव विकासखण्ड म काली लगभग मंझनिया 1 बजे के बीच संबलपुर ले सिंगरोली जाये वाला कार के चालक ह दुर्गा विर्सजन जुलूस म सामिल लोगन के ऊपर वाहन चढ़ा दीस। दुर्घटना के सूचना मिलते ही पुलिस ह आरोपी ल पकड़ के जेल म डाल दे हावय। एमे आरोपी बबलू विश्वकर्मा उमर 21 साल निवासी बैढन अउ दूसरा आरोपी शिशु पाल साहू निवासी बरगवाम सिंघरोली सामिल हावयं। संग ही सड़क दुर्घटना म घायल मनखे के प्रति मुख्यमंत्री भूपेश बघेल, जशपुर जिला के प्रभारी मंत्री उमेश पटेल अउ पत्थलगांव विधायक राम पुकार सिंह ह संवेदना व्यक्त करत होए कलेक्टर ले सरलग फोन ले सम्पर्क करके घायल मनखे मन के हाल चाल जानिस अउ प्रशासन के हर संभव प्रयास करे ल किहिन।
कलेक्टर ह बताइन के प्रशासन घर वाला के संग हावय। घायल लोगन के प्रशासन हर सभव मदद करत हावय। ओमन किहिन के सड़क दुर्घटना म एक मनखे के मृत्यु हो गें हावयं संग ही घायल लोगन के ईलाज ले करे जात हावय। पुलिस अधीक्षक विजय अग्रवाल ह बताइन के प्रशासन के पूरा अमला घायल के पूरा सहयोग देत हावयं। डॉक्टर मन ह जानकारी देत बताइन हावय के 12 घायल मरीज मन के ईलाज पत्थलगांव के सामुदायिक स्वास्थ्य केन्द्र म करे जा रिहिन हावय अउ 4 घायल मरीज ल रायगढ़ के जिला अस्पताल रिफर करे गिस। जिला प्रशासन घर वाला के संग हर दुख के संग खड़े हावय। कलेक्टर ह किहिन के घायल मरीज मन के कोनो भी रकम ले समस्या नइ होए देही। पुलिस प्रशासन ह लापरवाही बरते वाला टीआई ल लाइन अटैच कर दे हावय अउ एसआई ल निलंबित कर दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।