अंजोर.बलौदाबाजार,12अक्टूबर। सिमगा थाना के गांव खण्डवा मैदान म गांजा के बिक्री बर ग्रहक के इंतजार करत आरोपी ल घेराबंदी करके पकड़े गिस जेमा 03 सपड़ म आये हाबे। पुलिस के मुताबिक वरूण सोनकर पिता भगत राम सोनकर उम्र 20 वर्ष साकिन वार्ड क्र. 02 सोनकर पारा सिमगा थाना सिमगा, शाहिल टण्डन पिता मनोज टण्डन उम्र 19 वर्ष साकिन चंदेरी थाना सिमगा, नईम बेग पिता शलीम बेग उम्र 23 वर्ष साकिन वार्ड क्र. 14 ईमाम बाडा सिमगा थाना सिमगा के निवासी होना बताये हाबे।
अइसने एक आन म मामला म मुखबीर के आरो म सरोपी तलाब के पास 04 आदमी ल चाकू, गुप्ती ले रसता म लोगन ल धमकात चार आरोपी ल पकड़े हावय। पुलिस के मुताबिक भोजराम निषाद पिता पुरूषोत्तम निषाद उम्र 27 वर्ष साकिन गौरा चैक सिमगा, शानू अली पिता साजिद अली उम्र 27 वर्ष साकिन ईमामबाडा सिमगा, मोहम्मद अकरम पिता मोहम्मद अय्युब उम्र 32 वर्ष साकिन ईमाम बाडा सिमगा अउ एक अपचारी बालक साकिन कचलोन के रहने वाले बताये गे हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।