Chhattisgarh News : भाजपा म दुख के लहर, पूर्व मंत्री राजेन्द्र पाल सिंह भाटिया अउ पूर्व विधायक युद्धवीर सिंह जुदेव के निधन

अंजोर.रायपुर, 20 सितंबर। छत्तीसगढ़ म भारतीय जनता पार्टी बर आज के दिन बने नइ होइस, पाछू 24 घंटा के भीतर दू बड़का नेता के बीते के आरो मिलगे। मिले आरो के मुताबिक भाजपा के पूर्व मंत्री राजेन्द्र पाल सिंह भाटिया अउ पूर्व विधायक युद्धवीर सिंह जुदेव के निधन होगे। उंकर निधन म प्रदेश मुखिया भूपेश बघेल अउ आन मंत्री सहित डॉ. रमन सिंह अउ बृजमोहन अग्रवाल मन तको उनला नमन करे हावय। दुख के बेरा म परिवार बर संवेदना प्रकट करत पार्टी के प्रदेश इकाई ह 2 दिन खातिर अपन सबो कार्यक्रम ल स्थगित करे हावय।