छत्तीसगढ़ के किसान ल राहुल गांधी जी भेटिस वैष्णो देवी म, हालचाल पूछे म किहिस ‘बने बुता करत हाबे हमर सरकार’

अंजोर.रायपुर, 9 सितंबर। कांग्रेस के बड़का नेता अउ सांसद राहुल गांधी जी के वैष्णो देवी के दर्शन खातिर पदयात्रा के बखत छत्तीसगढ के एक किसान परिवार के संग अचानक मुलाकात होइस। श्री गांधी ह किसान अउ उंकर परिवार के तिर बिठाके उंकर संग कुछ समय बिताइस। ओमन उंकर ले हालचाल पूछिस त किसान ह उत्साह के संग ओला छत्तीसगढ़ के भूपेश बघेल सरकार के किसान हितैषी योजना मन के बारे म बताइन। किसान ह किहिन - "हमर सरकार बहुत अच्छा काम करत हे।" किसान ह राहुल गांधी ले किहिन के अभी सरकार के सिर्फ ढाई साल ही होए हावयं, भूपेश जी किसान मन, वनवासी मनके खातिर बहुत अच्छा काम करत हावयं। भूमिहीन खेतिहर मजदूर मन के 6 हजार रूपिया देत हावयं। किसान ह ओला बताइन के ओमन गोधन न्याय योजना म गोबर बेच के अब तक 85 हजार रूपिया के कमाई करे हावय। ये पइसा ले एक स्कूटी भी खरीदे हावय। किसान ह किहिन के गउठान म भी हमर इहां बहुत अच्छा काम होत हावयं।