भारत स्काउट्स अउ गाइड्स छत्तीसगढ़ राज्य अलंकरण समारोह : राज्यपाल सुश्री उइके ह उत्कृष्ट स्काउट, गाइड, रोवर, रेंजर, स्काउटर अउ गाईडर ल दिस ईनाम

अंजोर.रायपुर 09 सितम्बर। भारत स्काउट्स अउ गाइड्स संस्था लइका म अनुशासन अउ राष्ट्रीयता के भावना जगावत हावय। संस्था ले जुड़े पढ़ईया मन म मानव सेवा के भावना भी उपजत हावय, जेन जीवन भर उंकर काम आही। स्काउट अउ गाइड के ये सिखाथे के कोनो भी काम छोटे या बड़े नइ होथे। ये विविधता म एकता के भावना’ अउ ‘वसुधैव कुटुम्बकम’ के भावना बढ़ाये म जरूरी भूमिका निभाई हावय। ये बात राज्यपाल सुश्री  अनुसुईया उइके ह राजभवन के दरबार हाल म आयोजित भारत स्काउट्स अउ गाइड्स छत्तीसगढ़ के राज्य अलंकरण समारोह म कहिन। ए मउका म उत्कृष्ट स्काउट, गाइड, रोवर, रेंजर, स्काउटर अउ गाइडर ल सम्मानित भी करिन। ये मउका भारत स्काउट अउ गाइड छत्तीसगढ़ के अध्यक्ष अउ स्कूल शिक्षा मंत्री प्रेमसाय सिंह टेकाम, उपाध्यक्ष अउ विधायक सुश्री शकुंतला साहू, आयुक्त अउ विधायक विनोद चन्द्राकर, कार्यकारी अध्यक्ष राजेश अग्रवाल भी उपस्थित रिहिस।

राज्यपाल ह किहिन के छत्तीसगढ़ राज्य के स्काउटिंग के हमर देश म अहम योगदान हावय। कोरोना काल म भी हमर रोवर्स-रेंजर्स, स्काउटर अउ गाइडर ह केऊ सेवा बुता जइसे भोजन वितरण, सूखा राशन वितरण, घर-घर दवा पहुंचाना अउ आम लोगन म जनजागरूकता फैलाये जइसे बुता निःस्वार्थ भाव ले करिस, जेकर सेती पूरा भारत म कोरोनाकाल म सेवा बुता बर भारत ल तीसरा पुरस्कार मिले हावय। येकर खातिर आप सबो ल बधाई। राष्ट्रीय स्तर म प्रशिक्षण दे के खातिर इहां के ट्रेनर्स ल केऊ बार राष्ट्रीय प्रशिक्षण संस्थान पचमढ़ी म आमंत्रित करिन जात हावय। राज्य म हरेक साल आने-आने कार्यक्रम त होवत हावय, राष्ट्रीय स्तर म भी हमर राज्य सबो कार्यक्रम म सहभागिता हावय। राज्य ले हरेक साल शिक्षा विभाग अउ आदिम जाति कल्याण विभाग ले 1000 लइका पचमढ़ी जाके फोकट म डिजास्टर मैनेजमेंट अउ एडवेंचर कोर्स करत हावयं। देश के लोकसभा अउ विधानसभा चुनाव म हमर स्काउट्स-गाइड्स ह दिव्यांग जन के मदद करके एक मिसाल प्रस्तुत करे हावय। मोला आशा ही नइ बल्कि पूरा विश्वास हावय के हमर राज्य के स्काउट्स गाइड इही रकम ले सेवा के बुता करत रइही अउ अपन प्रदेश अउ देश के नाम रोशन करही।

कार्यक्रम म रायपुर जिला ले अवन्या शुक्ला अउ उत्कृष्ट स्काउट्स गाइड्स अउ रोवर रेंजर नमन साहू, जीवेश साहू,  अनीश पटेल, कुमारी डागेश्वरी, कुमारी मुस्कान मैत्री, कुमारी नंदनी सिन्हा, महेन्द्र बाबू टंडन, राहुल सिंह नेताम, कुमारी मेघा मिश्रा, कुमारी करूणा, संतोष कुमार साहू, दीपक ध्रुवंशी, गाइडर सुश्री सुधा तिवारी अउ  श्रीमती सरस्वती गिरिया ल पुरस्कृत करिन।