गांव म पोसन के संदेस देवत ‘पोसन रथ’ ल मुख्यमंत्री दाऊ भूपेश बघेल हरियर झण्डी देखे के करिस रवाना

अंजोर.रायपुर, 06 सितंबर। तीजा पोरा तिहार के मउका म महिला अउ बाल विकास डहर ले संचालित पोसन रथ ल हरा झंडी देखाके आने-आने जिला के भ्रमण के खातिर मुख्यमंत्री दाऊ भूपेश बघेल ह अपन निवास ले रवाना करिस। ये रथ आने-आने गांव म जाके पोसन के संदेस देही। रथ म सुपोसन म केंद्रित फिल्म के प्रदर्शन तको करे जाही।

मुख्यमंत्री श्री बघेल अउ महिला अउ बाल विकास मंत्री श्रीमती अनिला भेडिया ह पोषण प्रतिज्ञा म हस्ताक्षर करके कुपोषण रहित छत्तीसगढ़ के निर्माण के खातिर प्रतिबद्धता व्यक्त करिस। सचिव डॉ. कंगाले ह बताइन के आज तीजा पोरा तिहार के मउका म पोषण रथ के शुभारंभ करे जात हावय, जेकर माध्यम ले जिला म पोषण अउ स्वास्थ्य संबंधी ऑडियो, वीडियो संदेस के प्रसारण करे जाही। आन जिला म भी पोसन रथ के माध्यम ले आने-आने ठऊर मन म प्रचार-प्रसार करे जात हावय, जेकर ले जनसमुदाय के मध्य फैसिलिटेटर डहर ले वीडियो प्रदर्शन के बाद उपयोगी जानकारी दे जाही। वीडियो कुपोषण, पौष्टिक आहार, एनीमिया, स्तनपान, स्वच्छता, गर्भवती महिला के देखभाल, ऊपरी आहार म आधारित हावय। जेमा दृश्य-श्रव्य माध्यम के उपयोग करत रोचक तरीका ले स्वास्थ्य पोषण संबंधी जानकारी जादा ले जादा लोगन तक पहुंचाये जाये के प्रयास होहे, जेकर ले निश्चित ही जादा ले जादा लोगन तक सुपोसन के संदेस पहुंचाये म मदद मिलही।

ये मउका म महिला अउ बाल विकास मंत्री श्रीमती अनिला भेडिया, उद्योग मंत्री कवासी लखमा, वनमंत्री मोहम्मद अकबर, राज्यसभा सांसद श्रीमती फूलोदेवी नेताम, विधायक मोहितराम केरकेट्टा, श्रीमती संगीता सिन्हा, अपर मुख्य सचिव सुब्रत साहू, महिला अउ बाल विकास विभाग के सचिव डॉ. रीना बाबा साहब कंगाले भी उपस्थित रिहिसं।