‘सामुदायिक स्वास्थ्य केंद्र’ धरसीवां म मनाये गिस विश्व हृदय दिवस

अंजोर
0

अंजोर.रायपुर, 29 सितम्बर। सामुदायिक स्वास्थ्य केंद्र धरसीवा म आज ‘विश्व हृदय दिवस‘ मनाये गिस। (एनसीडी) चिकित्सा अधिकारी डॉ. हुमेश साहू ह हृदय रोग ले प्रभावित मरीज मनके जांच करिस। ए मउका म आयोजित समारोह म बताइन के हृदय रोग के मरीज मन के संख्या सरलग बाढ़त जात हावय। पाछु 5 साल म पीड़ित लोगन के संख्या म तेजी ले इजाफा होइस हावय। कोरोना के समय ले हृदय रोग के बीमारी लोगन ल जादा नुकसान पंहुचात हावय, काबर के कोविड-19 के डर ले मरीज घर म ही रेहे के खातिर मजबूर रिहिस। मरीज अपन रेगुलर चेकअप के खातिर भी अस्पताल नइ आ पात रिहिस। 

ए मउका म बताइन गे के 30 साल ले जादा उमर के युवा मन म भी इनएक्टिव लाइफस्टाइल अउ खाना के खराब आदत के सेती दिल के बीमारी होए के खतरा बढ़त हावय। अधिकांश रोगी म 30-50 साल उमर वर्ग के पुरुष अउ महिला मन हावयं। एमन के पास अपन शरीर अउ मन ल स्वस्थ अउ शांत रखे के खातिर समय नइ हावय, जेकर सेती लोगन म कई रकम ले बीमारी देखे ल मिलत हावयं, हालांकि अब जन-जीवन लगभग सामान्य होगे हावय। सबो के उच्च रक्तचाप ल गंभीरता ले लेना चाहि। समारोह म बताइन के हृदय रोग ले ग्रसित मरीज e-sanjeewaniopd.in म लॉगिन करके डॉक्टर ले सलाह ले सकत हावयं। येकर डहर ले मरीज के फालोअप भी ले जात हावय।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !