सफलता के कहानी : सौर ऊर्जा ले खेत म पहुंचत हावय पानी, धान अउ सब्जी के फसल ले किसान ल होवथे बने आमदनी

अंजोर.रायपुर, 20 सितंबर। बिगर बिजली के अब फोकट सौर ऊर्जा के उपयोग करत जादा ले जादा कृषि भूमि के सिंचाई के सुविधा के दायरे म लाने के खातिर ‘सौर सुजला योजना‘ प्रदेश भर म संचालित हावय। सौर उर्जा के उपयोग करके प्रगतिशील किसान रायपुर जिला के आरंग विकासखंड के गांव कलई के किसान अरविंद लोधी अपन पुश्तैनी जमीन म साल ले खेती करके खुशहाली होवत हावय। ओला अधिकारी मन ले सौर सिंचाई योजना अउ अनुदान के जानकारी लेके येकर खातिर ओमन क्रेडा म आवेदन करिन। कुछ जरूरी कार्यवाही पूरा करे के बाद खेत म सौर सिंचाई योजना के उपकरण लगगे अउ 95 प्रतिशत अनुदान म। अब ओला अपन खेत खातिर बरसात या पानी के चिंता करे के जरूरत नइये। वो अब प्रति एकड़ 25 ले 30 क्विंटल तक धान के पैदावार लेव हावय। रबी फसल म 3 एकड़ म धान अउ 2 एकड़ म सब्जीवर्गीय फसल लेवत हावय। सब्जी के फसल ले साल भर के घरेलू खर्च चले लायक आमदनी हो जात हावय।