सबो निजी अउ सरकारी स्कूल म कोरोना गाइडलाइन के पूरा पालन करे के निर्देस

अंजोर.रायपुर, 22 सितंबर। आयुक्त लोक शिक्षण डॉ. कमलप्रीत सिंह ह प्रदेश के सबो संभागीय संयुक्त संचालक अउ जिला शिक्षा अधिकारी मनला सबो निजी अउ सरकारी स्कूल म कोरोना गाइडलाइन के पूरा पालन करे के निर्देस दे हावय। 

लोक शिक्षण संचालनालय ले सबो संभागीय संयुक्त संचालक अउ जिला शिक्षा अधिकारी मन ल जारी चिट्ठी म केहे गे हावय के पहिली म भी सबो शासकीय अउ अशासकीय विद्यालय म कक्षा पहिली ले 12वीं तक के कक्षा के खातिर निर्देस दे गे रिहिस। सबो संबंधित अधिकारी मन ल फेर निर्देशित करे गे हावय के विद्यालय संचालन म केन्द्र अउ राज्य सरकार डहर ले समय-समय म जारी कोरोना संक्रमण ले बचाव के निर्देस के कड़ाई ले पालन सुनिश्चित करें।