अंजोर.रायपुर, 20 सितम्बर। ‘आपके द्वार आयुष्मान‘ अभियान ले रायपुर जिला के सबो विकासखण्ड के ग्रामीण अउ शहरी क्षेत्र म संचालित च्वाइस सेंटर म योजनांतर्गत आयुष्मान कारड बनाये के बुता फोकट म 30 सितम्बर तक करे जात हावय।
आयुष्मान भारत प्रधानमंत्री जन आरोग्य योजना के पात्र परिवार ल 5 लाख रूपिया अउ बांचे पात्र परिवार ल डॉ खूबचंद बघेल स्वास्थ्य मदद योजना ले 50 हजार तक के लाभ मिही। योजना के तहत अइसे परिवार पंजीकृत कोनो भी शासकीय अउ निजी अस्पताल म आयुष्मान कारड डहर ले फोकट म ईलाज के लाभ ले सकत हावयं।
स्वास्थ्य विभाग रायपुर के अधिकारी मन ह बताइन के आयुष्मान भारत प्रधानमंत्री जन आरोग्य योजना डॉ खूबचंद बघेल स्वास्थ्य मदद योजनांतर्गत तुँहर द्वार आयुष्मान अभियान ले आयुष्मान कारड बनवाने के आखरी तिथि 30 सितम्बर 2021 हावयं।
आयुष्मान भारत कारड बनाये बर राशन कारड अउ आधार कारड लेके आना जरूरी हावय। परिवार के सबो सदस्य मन के अलग-अलग आयुष्मान भारत कारड बनाये जाही। परिवार के सबो सदस्य मन के संग अपन क्षेत्र के निजी चॉईस सेंटर म जाके फोकट म आयुष्मान भारत कारड बनवाया सकत हव। आयुष्मान कारड बनाये के प्रक्रिया फोकट म हावय। ए संबंध म जादा जानकारी बर टोल फोकट म नम्बर 104 या निकटतम् स्वास्थ्य केन्द्र या कार्यलय मुख्य स्वास्थ्य चिकित्सा अधिकारी रायपुर म ले जा सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।