छत्तीसगढ़ फिल्म नीति : छत्तीसगढ़ फिल्म प्रोड्यूसर एसोसिएशन ह मुख्यमंत्री दाऊ भूपेश बघेल के जताइस आभार
मुख्यमंत्री दाऊ भूपेश बघेल ह किहिन के छत्तीसगढ़ फिल्म नीति के उद्देश्य छत्तीसगढ़ राज्य के फिल्म अनुकूल राज्य बनाये, फिल्म शूटिंग के खातिर छत्तीसगढ़ ल सेंट्रल हब के रूप म विकसित करे अउ स्थानीय कलाकार ल मउका दे के संग ही प्रदेश के प्राकृतिक अउ सांस्कृतिक जगह ल फिल्म के माध्यम ले राष्ट्रीय अउ अंतर्राष्ट्रीय स्तर म पहचान दिलाना हावय।
मुख्यमंत्री ह किहिन के छत्तीसगढ़ के कला अउ संस्कृति समृद्ध हावय। इहां प्रतिभावान कलाकार के कमी नइ हावय। फिल्म नीति के माध्यम ले स्थानीय कलाकार ल प्रोत्साहन मिलही। ओमन किहिन के फिल्म निर्माण के खातिर आधुनिक अउ महंगा एक्यूपमेंट्स के जरूरत होथे। फिल्म निर्माता मनला एक्यूपमेंट्स के खातिर लोन के सुविधा भी उपलब्ध कराये जाही। मुख्यमंत्री ह किहिन के छत्तीसगढ़ राज्य के नवा औद्योगिक नीति 2019-24 म उद्योग के बढ़ावा दे के खातिर उद्यमी मनला कई रकम ले रियायत दे गे हावय। उही रकम ले हमन फिल्म नीति-2021 म भी प्रोत्साहन के प्रावधान करन। येकर फायदा फिल्म निर्माता-निदेशक अउ कलाकार ल मिलही। ए मउका म मुख्यमंत्री के फिल्म लेखक अउ कथाकार संजीव बख्शी ह स्व-लिखित पुस्तक केशव कही न जाई के कहिए अउ कहानी संग्रह खसरा नंबर चौरासी बटा एक रकबा पांच डिसमिल भेंट करिन।
कोई टिप्पणी नहीं:
एक टिप्पणी भेजें
जोहार पहुना, मया राखे रहिबे...