अंजोर.कांकेर, 12 सितम्बर। ‘लोकवाणी‘ के 21वां कड़ी म मुख्यमंत्री दाऊ भूपेश बघेल ह ‘जिला स्तर म विशेष रणनीति ले विकास के नवा रासता’ विषय म प्रदेशवासी मन ले मुखातिब होवत प्रदेशवासी मनला गणेश उत्सव, नवाखाई अउ विश्वकर्मा जयंती के बधाई अउ शुभकामना देत किहिन के छत्तीसगढ़ म विकास के खातिर जेन मॉडल प्रस्तुत करे हावयं, ओमा नवा-नवा तरीक ले काम करे के बहुत संभावना हावयं अउ इही सेती हावय के आर्थिक मंदी अउ कोरोना संकट के समय भी छत्तीसगढ़ म सुरक्षा के संग आर्थिक, सामाजिक अउ रोजगारोन्मुखी गतिविधी चलत हावय।
मिले ओरा के मुताबिक मुखिया जी के घोसना रिहिस के आदिवासी अंचल म उपजाये कोदो-कुटकी अउ रागी फसल के खरीदी समर्थन कीमत म करे जाही। कोदो-कुटकी के समर्थन कीमत 03 हजार रूपिया प्रति क्विंटल अउ रागी के समर्थन कीमत 03 हजार 377 रूपिया प्रति क्विंटल तय कर दे हावय। उंकर खरीदी के बेवस्था भी लघु वनोपज संघ के माध्यम ले करे गे हावय। येकर अलावा कोदो-कुटकी-रागी जइसे फसल मन के वेल्यूएडिशन के काम भी जबर करे जाही, जेकर खातिर छत्तीसगढ़ मिलेट मिशन के स्थापना करे हावय अउ उत्पादन म बड़वार अउ प्रसंस्करण के खातिर व्यापक कार्ययोजना बनाये जात हावय। बस्तर संभाग म दंतेवाड़ा, सुकमा, कांकेर जिला म कुछ लघु धान्य प्रसंस्करण इकाई शुरु हो चुके हावयं फेर अब बड़ संख्या म अइसे इकाई लगाये जाही।
लोकवाणी के अवइया प्रसारण 10 अक्टूबर के होही, जेमा मुख्यमंत्री ‘जिला स्तर म विशेष रणनीति ले विकास के नवा राह’ विषय के भाग दू म गोठबात करही, जेमा नवाचार, नवा कदम, नवा योजना मन के बारे म बात करे जाही। आप ए विषय म अपन विचार सुझाव अउ सवाल 27, 28 अउ 29 सितम्बर, 2021 के दिन म 3 बजे ले 4 बजे के बीच फोन नम्बर 0771-2430501, 2430502, 2430503 म रिकार्ड करा सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।