अंजोर.रायपुर, 18 सितम्बर। मुख्यमंत्री दाऊ भूपेश बघेल ल राज्य के युवा मन ले करे अपन वादा पूरा करत ओमनला रचनात्मक कार्य ले जोड़े अउ विकास कार्य म सहभागी बनाये खातिर राजीव युवा मितान क्लब नाम से एक महत्वाकांक्षी योजना के शुभारंभ करिस। येकर तहत राज्य के प्रत्येक ग्राम पंचायत अउ नगरीय निकाय के वार्ड म चरणबद्ध रूप से 13269 राजीव युवा मितान क्लब गठित करे जाही। मुख्यमंत्री ह योजना के शुभारंभ अवसर पर राज्य के युवा मनला बधाई अउ शुभकामना देते किहिन के राजीव युवा मितान क्लब के माध्यम ले युवा मनला अपन पहचान कायम करे अउ नेतृत्व क्षमता विकसित करे के अवसर मिलही। वो राज्य के प्रगति म सामाजिक रूप ले जिम्मेदार, जागरूक अउ सकारात्मक भूमिका के निर्वहन करे म सक्षम होही। कार्यक्रम म मुख्यमंत्री भूपेश बघेल अउ मंत्री टी.एस.सिंहदेव, रविन्द्र चौबे, डॉ. प्रेमसाय सिंह टेकाम अउ मोहम्मद अकबर मन तको पूर्व प्रधानमंत्री भारत रत्न स्वर्गीय राजीव गांधी जी के चित्र म माल्यार्पण कर श्रद्धांजलि अर्पित करिस।
पंचायत अउ नगरीय वार्ड म बनही राजीव युवा मितान क्लब, रचनात्मक गतिविधी खातिर मिलही हर साल एक लाख रूपिया के अनुदान : मुख्यमंत्री दाऊ भूपेश बघेल
सितंबर 18, 2021
0
मुख्यमंत्री भूपेश बघेल ह मुख्यमंत्री निवास कार्यालय म आयोजित ये कार्यक्रम म राजीव युवा मितान क्लब के गठन अउ संचालन के खातिर जिला के 19.43 करोड़ रूपिया के राशि भी जारी करिस। राजीव युवा मितान क्लब खातिर छत्तीसगढ़ सरकार ह बजट म 50 करोड़ रूपिया के प्रावधान करे हावय। सबो क्लब ल प्रत्येक तीन माह म 25 हजार रूपियाके के मान ले एक साल म रचनात्मक गतिविधी के संचालन खातिर एक लाख रूपिया देही। राज्य म 13269 क्लब ल साल भर म 132.69 करोड़ रूपिया के अनुदान राशि दे जाही।
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।