अंजोर.बेमेतरा, 17 सितम्बर। आयुष्मान भारत प्रधानमंत्री जन आरोग्य योजना, डॉ. खुबचंद बघेल स्वास्थ्य मदद योजना ले जादा ले जादा हितग्राही मन ल लाभ दे के उद्देश्य ले भारत सरकार अउ राज्य सरकार डहर ले ‘आयुष्मान भारत पखवाड़ा’ विशेष अभियान के क्रियान्वयन 30 सितम्बर तक करे जात हावयं। शासन के निर्देश के मुताबिक जिला के च्वाइस सेंटर म हितग्राही के फोकट म प्लास्टिक/पीव्हीसी आयुष्मान कारड उंकर पात्रता के आधार म बनाके दे जाही।
बी.पी.एल. अउ प्राथमिकता वाला राशन कार्डधारी हितग्राही के 5 लाख रूपिया अउ सामान्य परिवार के 50 हजार तक के फोकट म ईलाज के सुविधा पंजीकृत शासकीय/निजी अस्पताल म केवाईसी करा के ले सकत हावय। जिला के सबो च्वाइस सेंटर डहर ले हितग्राही के फोकट म प्लास्टिक/पीव्हीसी आयुष्मान कारड बनाके दे जाही। कारड बनाये के खातिर हितग्राही के राशन कार्ड, आधार कार्ड, मोबाइल नं. सहित च्वाइस सेंटर म जाना होही। च्वाइस सेंटर के डहर ले हितग्राही मनके उंकर पात्रता के आधार म आयुष्मान कारड फोकट म बनाये जाही।
मुख्य चिकित्सा अउ स्वास्थ्य अधिकारी डहर ले अपील करत किहिन हावय के सबो हितग्राही अभियान के ले कारड बनाये। योजनांतर्गत कारड बनाये के प्रक्रिया पूरा फोकट म हावय अगर कोनो के डहर ले अवैध रुप ले पइसा के मांग करे जात हावय या ईलाज ले मना करे जात हावय त टोल म नंबर 104 म कॉल कर सकत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।