अंजोर.रायपुर, 26 सितम्बर। छत्तीसगढ़ योग आयोग डहर ले रायपुर नगर निगम क्षेत्र के दूसरइया नियमित निःशुल्क योगाभ्यास केन्द्र के सुरूआत कामरेड सुधीर मुखर्जी वार्ड म करे गिस। कार्यक्रम म योग आयोग के अध्यक्ष ज्ञानेश शर्मा अउ वार्ड पार्षद श्रीमति उमा चन्द्रहास निर्मलकर पहुना रिहिन। बोरियाखुर्द के शासकीय प्राथमिक शाला भवन परिसर म आयोजित निःशुल्क नियमित योगाभ्यास कक्षा के पहिली दिन 150 ले आगर लोगन मन योगाभ्यास करिस। योगाभ्यास म लइका, सियान, महिला सहित सभी वर्ग के लोगन मन उत्त्साह देखाइस। ये मउका म आयोग के सचिव एम.एल. पांडेय, योग प्रशिक्षक सहित योग आयोग के कर्मचारी मन जुरियाए रिहिस। वार्ड म योग प्रशिक्षक लच्छुराम निषाद डहर ले रोज बिहनिया 6 ले 7 बजे तक निःशुल्क योगाभ्यास सिखाये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।