चंद्रनाहूँ कुर्मी क्षत्रिय समाज केन्द्रीय महाधिवेशन : सबो के भागीदारी ले ही होथे समाज के विकास : मुख्यमंत्री दाऊ भूपेश बघेल

अंजोर.रायपुर, 26 सितम्बर। मुख्यमंत्री दाऊ भूपेश बघेल महासमुंद म आयोजित चंद्रनाहूँ कुर्मी क्षत्रिय समाज, छत्तीसगढ़ प्रदेश के 51वें केन्द्रीय महाधिवेशन म सामिल होइन। ओमन महाधिवेशन म किहिन के समाज म सबो के भागीदारी ले ही समाज के विकास होथे। समाज म समाजिक समरसता आथे। समाज वो ह हावय जेन सबला संग लेके चलें, येकर ले सबके कल्याण के रद्दा निकालथे। कार्यक्रम महासमुंद बागबाहरा रोड के शांत्रीबाई स्कूल परिसर म आयोजित होइसे। ए मउका म मुख्यमंत्री ह चंद्रोदय पब्लिक स्कूल अउ शांत्रीबाई कॉलेज के द्वितीय तल म बने अतिरिक्त निर्माण के लोकार्पण करिन। दुनों द्वितीय तल म बने बुता के लागत 70 लाख रूपिया हावय। इंकर निर्माण छत्तीसगढ़ चंद्रनाहूँ शिक्षण समिति अउ विधायक निधि ले करे गे हावय। 

मुख्यमंत्री ह किहिन के ए समाज के पुरखा अउ विभूति मन ह छत्तीसगढ़ राज्य निर्माण म जरूरी भूमिका निभाये हावय। समाज के विभूति ह शिक्षा, कृषि, सहकारिता के संग समाज सुधार जइसे जरूरी क्षेत्र म भी अपन बहुमूल्य योगदान दे हावय। मुख्यमंत्री दाऊ भूपेश बघेल ह किहिन के छत्तीसगढ़ म शिक्षा, स्वास्थ्य सुविधा के होइस। ओमन राज्य सरकार के योजना मन के जिक्र करत किहिन के सरकार के योजना मन के लाभ किसान, गरीब, मजदूर सहित समाज के सबो वर्ग ल मिलत हावय। 

कार्यक्रम ल राज्यसभा सदस्य श्रीमती छाया वर्मा, संसदीय सचिव अउ विधायक विनोद चंद्राकर अउ चंद्रनाहूँ कुर्मी क्षत्रिय समाज के प्रदेश अध्यक्ष अश्वनी चंद्राकर ह भी सम्बोधित करिन। ए मउका म समाज के डहर ले अतिथि मनला सुरता चिनहा देके सम्मानित करिन। कार्यक्रम म बसना विधायक देवेंद्र बहादुर सिंह, खल्लारी विधायक द्वारिकाधीश यादव, पंडरिया विधायक श्रीमती ममता चंद्राकर सहित निगम मंडल के अध्यक्ष, केऊ जनप्रतिनिधि सहित बड़ संख्या म समाज के लोगन उपस्थित रिहिस।