राजनांदगांव जिला म भारी वर्षा के संभावना, प्रशासन डहर ले अर्लट जारी

अंजोर.राजनांदगांव 26 सितम्बर। कलेक्टर तारन प्रकाश सिन्हा ह जिला म गुलाब चक्रवात ले भारी वर्षा होए के संभावना ल देखत सबो विभाग ल सतर्क रेहे के निर्देश दे हावयं। कलेक्टर ह सबो अधिकारी मन ल अलर्ट रहत मुख्यालय म रेहे के खातिर किहिन। ओमन किहिन हावय के सबो अधिकारी बांध अउ नदिया म नजर रखें अउ अइसे निचले इलाका म जिहां जलभराव के स्थिति बन सकत हावय, उहां विशेष धियान रखें। ओमन राजस्व विभाग के संभावित बाढ़ प्रभावित क्षेत्र म तइयारी रखे अउ बाढ़ राहत अउ बचाव दल ल सतर्क रखे के निर्देश दे हावय।

कलेक्टर ह जिला स्तर अउ तहसील स्तर म बाढ़ रोकथाम कक्ष के 24 घंटा चालू रखे के निर्देश दे हावयं। ओमन जल संसाधन विभाग के अधिकारी मन ले किहिन हावय के बरसात के बखत बांधों म जल स्तर की सरलग निगरानी भी करें अउ येकर सूचना बाढ़ रोकथाम कक्ष के दीस जाए। कलेक्टर ह आम जनता ले जल भराव की स्थिति म पुल-पुलियों के पार न करे की अपील की हावय। बाढ़ रोकथाम कक्ष के फोन नंबर 07744-220557 हावय। जानबा हावय के मौसम विभाग डहर ले 26 अउ 27 सितम्बर के गुलाब चक्रवात ले भारी वर्षा की चेतावनी दीस गे हावय।