अंजोर.बिलासपुर, 17 सितम्बर। अनुसूचित जाति वर्ग के खातिर संचालित अंत्योदय स्वरोजगार योजना ले जिला के हितग्राही मन ले आवेदन 26 सितम्बर 2021 संझा 5 बजे तक आंमत्रित करे गे हावय। योजना के तहत लाभ ले के खातिर आवेदक जिला ल निवासी होना अउ उंकर उमर 18 साल ले कम अउ 50 साल ले जादा न होना चाही। आवेदक के परिवार के वार्षिक आमदनी ग्रामीण क्षेत्र के खातिर अधिकतम 40,500 रूपिया तक अउ शहरी क्षेत्र के खातिर 51,500 रूपिया तक होना चाही। आवेदन के संग आय, जाति, अउ निवास प्रमाण पत्र, आधार कार्ड, राशन कारड अउ पहिली ले कोनो शासकीय योजना म करजा अनुदान नइ करे हो अउ करजा बाकी न हो येकर शपथ पत्र, पासपोर्ट साईज के दू फोटो सहित प्रस्तुत करना होही।
ये योजना बैंक प्रवर्तित योजना हावय। योजनान्तर्गत संबंधित के करजा प्रकरण संबंधित सेवा क्षेत्र के बैंक शाखा ल प्रेषित करे जाही। बैंक डहर ले करजा स्वीकृत करे के बाद जिला अंत्यावसायी कार्यालय डहर ले 10,000 रूपिया के अनुदान दे जाही। इच्छुक आवेदक, आवेदन, जिला अंत्यावसायी सहकारी विकास समिति, कक्ष क्र. 17 जुन्ना कंपोजिट बिल्डिंग, बिलासपुर म आवेदन फोकट म ले सकत हावय। आवेदन के फोटोकॉपी, आवेदन म कांट-छांट, ओव्हरराईटिंग उक स्वीकार नइ करे जाये।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।