अंजोर.रायपुर, 15 जुलाई 2021। छत्तीसगढ़ मदरसा बोर्ड रायपुर डहर ले हाईस्कूल, हायर सेकेण्डरी पत्राचार पाठ्यक्रम परीक्षा 2021(मुख्य अउ मउका परीक्षा) अउ उर्दू अदीब, उर्दू माहिर के प्रमाण-पत्र के परीक्षा 26 जुलाई ले आयोजित करे गे हावय। ये परीक्षा 31 जुलाई तक चलही। जानबा होवय के कोविड-19 कोरोना वायरस संक्रमण ले सुरक्षा अउ बचाव ल धियान म रखत परीक्षा के आयोजन करे जात हावय। परीक्षार्थी ल अग्रेषण केन्द्र ले परीक्षा सामग्री 23 अउ 24 जुलाई के बांटे जाही। सबो परीक्षार्थी अपन घर ले ही परीक्षा देही। रायपुर के परीक्षार्थी ल उर्दू कन्या उच्चतर माध्यमिक विद्यालय ले परीक्षा सामग्री दे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।