अंजोर.रायपुर 15 जुलाई 2021। स्कूल शिक्षा विभाग अउ यूनीसेफ के संयुक्त तत्वावधान म ‘‘कोविड महामारी के बखत चलत मोहल्ला कक्षा के खातिर सुरक्षा प्रोटोकॉल’’ विषय म 17 जुलाई के वेबीनार के आयोजन करे जात हावय। वेबीनार म स्कूल शिक्षा सचिव डॉ. कमल प्रीत सिंह अउ राज्य प्रमुख यूनीसेफ छत्तीसगढ़ डॉ. जॉब जकारिया ए मउका म शिक्षक मन अउ प्रधान अध्यापक के मोहल्ला कक्षा म अपनाए जाये वाला सुरक्षा उपाय के विषय म संबोधित करही।
वेबीनार म लइका के खातिर कोविड उपयुक्त व्यवहार, मोहल्ला कक्षा के खातिर सुरक्षा प्रोटोकॉल अउ शिक्षक मन के भूमिका विषय म यूनीसेफ के स्वास्थ्य विशेषज्ञ अउ जल अउ स्वच्छता विशेषज्ञ, अधिकारी परामर्शदाता डहर ले विस्तार ले गोठबात करे जाही। संग ही चयनित शिक्षक मन अउ प्रधान अध्यापक के डहर ले मोहल्ला कक्षा म करे सुरक्षा उपाय के अपन अनुभव भी साझा करही।
कोविड महामारी के बखत संचालित मोहल्ला कक्षा म लइका के सुरक्षा एक जरूरी गंभीर मुद्दा हावय। मोहल्ला कक्षा के खातिर सुरक्षा प्रोटोकॉल विषय म वेबीनार आयोजित करे के उद्देश्य शिक्षक मन अउ प्रधान अध्यापक ल कोविड मुताबिक बेवस्था अउ व्यवहार के बढ़ावा दे म संवेदनशील बनाना हावय। ए वेबीनार के माध्यम ले ये भी संदेश दे के प्रयास करे जाही के शिक्षक लइका ल कोविड मुताबिक व्यवहार के पालन करे के खातिर प्रेरित करें, जेला लइका खुद मोहल्ला कक्षा म अपनाके अपन घर अउ समुदाय तक एला पहुंचाए।
कोविड महामारी के सेती बंद स्कूल म स्कूल शिक्षा विभाग के मार्गदर्शन म शिक्षक, प्रधान अध्यापक डहर ले मोहल्ला कक्षा के संचालन करे जात हावय। मोहल्ला कक्षा कोरोना ले बचाव के खातिर एक संग भीड़ न करके गांव म अलग-अलग ठऊर मन म सीमित संख्या म छात्र के खातिर शिक्षण के वैकल्पिक बेवस्था हावय। शिक्षक अउ प्रधान अध्यापक अपन स्तर ले मोहल्ला कक्षा म कोविड मुताबिक बेवस्था अपनाये के खातिर प्रशंसनीय बुता करके हावयं अउ लइका के कोविड मुताबिक व्यवहार अपनाये के खातिर प्रेरित करे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।