छत्तीसगढ़ के गोधन न्याय योजना के अध्ययन करे खातिर पहुंचिस राजस्थान के बड़का अधिकारी

अंजोर.रायपुर, 14 जुलाई 2021। जैविक खेती ल बढ़ावा दे, ग्रामीण अउ शहरी स्तर म रोजगार के नवा मउका के निर्माण करे, गो-पालन अउ गो-सुरक्षा ल बढ़ावा दे के संग ही पशुपालक मनला आर्थिक रूप ले लाभान्वित करे खातिर चलत छत्तीसगढ़ सरकार के महत्वाकांक्षी गोधन न्याय योजना अउ गोबर-धन परियोजना के अध्ययन बर राजस्थान सरकार के वरिष्ठ प्रशासनिक अधिकारी आज नया रायपुर मंत्रालय महानदी भवन पहुंसिन। मंत्रालय म कृषि अउ जैव प्रौद्योगिकी विभाग के सचिव डॉ. एम.गीता, पंचायत अउ ग्रामीण विकास विभाग के सचिव आर. प्रसन्ना अउ गोधन न्याय योजना के नोडल अधिकारी अउ विशेष सचिव डॉ. एस. भारतीदासन ह राजस्थान के वरिष्ठ अधिकारी मन ल योजना के संचालन के विषय म विस्तार ले जानकारी दीस। 

राजस्थान ले पहुंचे वरिष्ठ प्रशासनिक अधिकारी मन म सचिव पंचायती राज विभाग श्रीमती मंजू राजपाल, सचिव पशुपालन विभाग डॉ. आरूषि मलिक, निदेशक स्वच्छ भारत मिशन ग्रामीण विश्वमोहन शर्मा, मुख्य कार्यकारी अधिकारी जिला परिषद डूंगरपुर डॉ. अंजली राजोरिया, जिला परिषद जोधपुर इंद्रजीत यादव, जिला परिषद जयपुर श्रीमती पूजा कुमारी पार्थ, जिला परिषद अलवर जसमीत सिंह संधु, जिला परिषद झालावाढ़ श्रीनिधि बीटी, जिला परिषद पाली सुश्री श्वेता चौहान, जिला परिषद अजमेर गौरव सैनी, जिला परिषद टोक डॉ. सौम्या झा, अतिरिक्त निदेशक गो-पालन विभाग डॉ. लाल सिंह, प्रभारी अधिकारी स्वच्छ भारत मिशन ग्रामीण पराग चौधरी अउ राजस्थान सरकार गोबर-धन परियोजना के नोडल अधिकारी विजय कुमार शर्मा शामिल हावय। राजस्थान के वरिष्ठ अधिकारी 16 जुलाई तक छत्तीसगढ़ म गोधन न्याय योजना के संचालन के अध्ययन करही।

छत्तीसगढ़ म गोधन न्याय योजना के शुरूआत 20 जुलाई 2020 के हरेली उत्सव के दिन ले करे गे हावय। योजना के तहत अभी के बेरा म 3726 गउठान के माध्यम ले 2 रूपिया प्रतिकिलो के दर ले गांव वाला अउ गोबर संग्रहक ले गोबर के खरीदी करे जात हावय। योजना के तहत राज्य म एक लाख 92 हजार गोबर संग्राहक अउ पशुपालक लाभान्वित होत हावय। खरीदे गे गोबर ले स्व-सहायता समूह डहर ले वर्मी कम्पोस्ट के निर्माण करे जात हावय। ’गोधन वर्मी कम्पोस्ट’ के नाम ले 8 रूपिया प्रतिकिलो के दर ले बेचे जात हावय। योजना के तहत अब तक लगभग 53 करोड़ रूपिया के भुगतान गोबर संग्राहक अउ स्व सहायता समूह ल करे जा चुके हावय। स्वच्छ भारत मिशन ग्रामीण के तहत संचालित होत गोबर-धन योजना के तहत अब तक राज्य म 277 बायो गैस संयंत्र स्थापित करे जा चुके हावय। ये संयंत्र ले 1295 परिवार के बायो गैस के लाभ मिलत हावय।