छत्तीसगढ़ के माटीपुत्र रमेश बैस बनिस झारखंड के राज्यपाल, मुख्यमंत्री दाऊ भूपेश बघेल दीस बधाई

अंजोर.रायपुर, 14 जुलाई 2021। छत्तीसगढ़ के राजनीति म एक बड़का नाम आए रमेश बैस जी जेन अपन पाहरो म विधायक, सांसद अउ केन्दीय मंत्री ले अब राज्यपाल के रूप म माटी के मान बढ़ाये हावय। श्री बैस ल त्रिपुरा के बाद अब झारखंड के राज्यपाल बनाये गे हावय। मुख्यमंत्री भूपेश बघेल ह पूर्व केन्द्रीय मंत्री रमेश बैस ल आज झारखंड के नवा राज्यपाल के रूप म शपथ ले म बधाई अउ शुभकामना दे हावय। ये मउका म ओमन किहिन के श्री बैस के सुदीर्घ अनुभव के लाभ झारखंड के जनता ल मिलही।