भिलाई के नेहरू नगर म अत्याधुनिक सुविधा वाला फिजियोथेरेपी सेंटर शुरू

अंजोर.दुर्ग, 03 जुलाई 2021। मुख्यमंत्री भूपेश बघेल ह बिहनिया अपन निवास कार्यालय ले भिलाई के नेहरू नगर म अत्याधुनिक सुविधा ले लेस फिजियोथेरेपी सेंटर के वर्चुअल शुभारंभ करिन। मुख्यमंत्री ह ए मउका म ए सेंटर के संचालक अविनाश कुशवाहा सहित उपस्थित सबो लोगन ल बधाई अउ शुभकामना दीस। मुख्यमंत्री ह किहिन के फिजियोथेरेपी के महत्व अस्पताल मन ले लेके खेल के मैदान तक हावय। कोरोना काल म ऑक्सीजन के कमी के बखत फिजियोथेरेपी ले मरीज मन ल काफी मदद मिलीस। मुख्यमंत्री ह किहिन के ए सेंटर म उपलब्ध अत्याधुनिक सुविधा के लाभ दुर्ग अउ भिलाई के नागरिक मनला मिलही। ए मउका म कृषि अउ जल संसाधन मंत्री रविन्द्र चौबे, मुख्य सचिव अमिताभ जैन तको उपस्थित रिहिस।