खेत के खाल्हे बनावा म कुंआ, डबरी, तरिया : मुख्यमंत्री भूपेश बघेल

अंजोर.रायपुर, 03 जुलाई 2021। पंचायत अउ ग्रामीण विकास विभाग के काम-काज के समीक्षा करत मुख्यमंत्री श्री भूपेश बघेल किहिन राज्य म खेती-किसानी ल समृद्ध बनाये के खातिर सिंचाई जरूरी हावय। ओमन पंचायत अउ ग्रामीण विकास विभाग के अधिकारी मन के मनरेगा के तहत किसान मन के खेत के खाल्हे म कुंआ अउ तरिया, डबरी के निर्माण कराये के निर्देश दिस ताकि खेत के ऊपरी हिस्सा के वर्षा जल कुं अउ तालाब म संग्रहित हो सके। जेकर ल किसान जरूरत  के मुताबिक पानी लिफ्ट करके सिंचाई कर सके। ओमन जरूरत अनुसार किसान मन के पंप उपलब्ध कराये के भी निर्देश दे हावय। मुख्यमंत्री ह वन अधिकार अधिनियम के तहत वनभूमि के पट्टाधारी किसान मनके भी सिंचाई सुविधा के खातिर कुंआ अउ तालाब ले लाभान्वित करे जाये के बात किहिन। 

मुख्यमंत्री श्री बघेल ह प्रधानमंत्री ग्रामीण सड़क योजना के प्रगति के समीक्षा के बखत विभागीय अधिकारी मन के बस्तर अंचल म ग्रामीण सड़क के निर्माण बुता म स्थानीय युवा मन के भागीदारी सुनिश्चित करे के बात कहिन, ताकि निर्माण बुता के समयावधि म पूरा करे जा सके। पंचायत अउ ग्रामीण विकास विभाग के माध्यम ले स्वीकृत अउ बने आंगनबाड़ी ल मुख्यमंत्री ह आकर्षक रूप ले रंग-रोगन अउ उहां लइका के खातिर खेल सुविधासुलभ कराये के निर्देश दिस। मुख्यमंत्री ह गउठान म रूरल इंडस्ट्रियल पार्क के विकास, महिला समूह डहर ले संचालित आय मूलक गतिविधी म मदद अउ मार्गदर्शन के खातिर पंचायत अउ ग्रामीण विकास विभाग ल नोडल के जिम्मेदारी सौंपिस।

मुख्यमंत्री ह बइठक म अधिकारी मन के वर्षा जल के संग्रहण अउ भू-जल संवर्धन के खातिर नाला म स्माल स्ट्रक्चर बनाये के बुता प्राथमिकता ले कराये जाये के निर्देश दिस। ओमन राज्य के भू-जल समस्या मूलक 24 विकासखण्ड म नाला उपचार सहित नदिया अउ नाला म उपयुक्त जगह म माटी के डाईक वाल बनाये के भी निर्देश दिस। मुख्यमंत्री ह राज्य के धान उपार्जन केन्द्र म स्वीकृत अउ निर्माणाधीन चबूतर के उपर शेड निर्माण कराए जाये के भी निर्देश दे ताकि उपार्जित धान के सुरक्षित रख-रखाव हो सके। बइठक म अपर मुख्य सचिव पंचायत अउ ग्रामीण श्रीमती रेणु जी. पिल्ले ह बताइन के राज्य म मनरेगा के तहत चालू वित्तीय साल म अब तक 669 लाख मानव दिन अर्जन करके 107 प्रतिशत के उपलब्धि हासिल करे गे हावय। ओमन बताइन के जल संरक्षण अउ संवर्धन के खातिर वृहद पैमाना म तालाब निर्माण अउ गहरीकरण, डबरी, कुंआ, चेकडैम, स्टॉपडेम, सोकपिट, नहर लाईनिंग, सिंचाई नाले के निर्माण कराये जात हावय।