अंजोर.कांकेर, 3 जुलाई 2021। जिला कलेक्टर अउ जिला दण्डाधिकारी चन्दन कुमार ह आज तहसील न्यायालय चारामा के निरीक्षण करके राजस्व प्रकरण के निराकरण के जानकारी लिस अउ नायब तहसीलदार, तहसीलदार अउ एसडीएम ल निर्देशित करत किहिन के प्रकरण के निराकरण समय-सीमा के भीतर करे जावे।
ओमन तहसील कार्यालय चारामा पहुंच के नायब तहसीलदार अउ तहसीलदार न्यायालय म पंजीबद्ध राजस्व प्रकरण के जानकारी लिस अउ प्रकरण ले संबंधित सबोच फाईल मनके अवलोकन करिन। नामांतरण, बटवारा, सीमांकन, बंदोबस्त त्रुटि सुधार ले संबंधित फाईल ल बारीकी ले अवलोकन करत ओमन अविवादित नामातरण अउ बटवारा ले संबंधित प्रकरण के ग्राम पंचायत के माध्यम ले लघियात निराकृत करे के निर्देश दिस।
अविवादित नामांतरण अउ बटवारा ले संबंधित प्रकरण के निराकरण के गांववार अउ पटवारीवार समीक्षा करे के खातिर भी उंकर डहर ले निर्देशित करे गिस, संग ही बंदोबस्त त्रुटि सुधार के बुता म तेजी लाने के खातिर राजस्व निरीक्षक के जिम्मेदारी तय करे के निर्देश दिये गिस। नायब तहसीलदार न्यायालय डहर ले प्रकरण के निराकरण म देरी होए म उंकर डहर ले अप्रसन्नता भी व्यक्त करे गिस। कलेक्टर ह तहसील कार्यालय के नाजिर शाखा, रिकार्ड रूम, भूंईया शाखा, उप कोषालय अउ एसडीएम कार्यालय के भी निरीक्षण करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।