अंजोर.बालोद, 21 जुलाई। देवरी क्षेत्र के ग्राम देवरी बंगला के वर्धमान मोबाईल अउ कम्प्यूटर दुकान म शटर तोड़के 21 नग मोबाईल हैण्डसेट अउ नगदी 4-5 हजार रूपिया चोरी करइया तीन आरोपी ल पुलिस पकड़े हावय। मिले आरो के पुलिस अनुविभागीय अधिकारी बालोद दिनेश कुमार सिन्हा के नेतृत्व म निरीक्षक नवीन बोरकर थाना प्रभारी देवरी, निरीक्षक मनीष शर्मा, निरीक्षक भानुप्रताप साव के साथ एक विशेष टीम बनाके घटना स्थल ग्राम देवरी ,डौण्डीलोहारा, कुसुमकसा, राजहरा म लगे सीसीटीवी फुटेज अउ घटना के दिन आने जाने वाला मनके आरो लिस।
सीसीटीवी के मदद ले आरोपी के पता लगे म टीम ल भिलाई जिला दुर्ग रवाना करे गिस। जेमा आरोपी गुरूपाल सिंह उर्फ मौत पिता सुखदेव सिंह उम्र 30 साल, निवासी अर्जुन नगर केम्प 1 भिलाई ल कोहका भिलाई ले आरोपी जहर उर्फ सचिन उर्फ राहुल पिता षिवकुमार उम्र 21 साल निवासी अर्जुन नगर संग्राम चौक केम्प 1 भिलाई अउ आरोपी चन्दु उर्फ चन्दन सिंह पिता जसविंदर सिंह उम्र 28 साल, निवासी अर्जुन नगर केम्प 1 भिलाई जिला दुर्ग ल ग्राम लाखाटोला सहसपुर लोहारा जिला कवर्धा ले गिरफ्तार करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।