अंजोर.रायपुर, 22 जुलाई। कलमा बैराज ले प्रभावित जांजगीर-चांपा जिला के चन्द्रपुर इलाका के 314 किसान मन ल भू-अर्जन मुआवजा के रूप म 22.78 करोड़ रूपिया के रकम के चेक के वितरण करत मुख्यमंत्री भूपेश बघेल ह सबो किसान मन ल बधाई अउ शुभकामना दीस। मुआवजा वितरण के वर्चुअल कार्यक्रम आज मुख्यमंत्री निवास कार्यालय म आयोजित हुआ। कार्यक्रम म जलसंसाधन मंत्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, मुख्य सचिव अमिताभ जैन, मुख्यमंत्री के अपर मुख्य सचिव सुब्रत साहू उपस्थित रिहिस। विधानसभा अध्यक्ष डॉ. चरणदास महंत, राजस्व अउ आपदा प्रबंधन मंत्री श्री जयसिंह अग्रवाल, संसदीय सचिव श्री विनोद सेवन लाल चन्द्राकर, विधायक श्री रामकुमार यादव सहित आन जनप्रतिनिधि ए कार्यक्रम म वीडियो कॉन्फ्रेंसिंग के माध्यम ले शामिल हुए।
मुख्यमंत्री भूपेश बघेल-
मुख्यमंत्री भूपेश बघेल ह किहिन के कलमा बैराज के निर्माण जांजगीर-चांपा जिला के गांव कलमा अउ रायगढ़ जिला के गांव बरगांव के बीच महानदी म 377.42 करोड़ रूपिया के लागत ले कराये गे हावय। येकर निर्माण फरवरी 2011 म शुरू करे गे रिहिस अउ मार्च 2016 म ये बैराज बनके तइयार होइस। बैराज के बने ले जांजगीर-चांपा जिला के 13 गांव के 682 किसान मन के 97.89 हेक्टेयर भूमि प्रभावित होए रिहिस। ओमन 314 किसान मन के लम्बित मुआवजा प्रकरण के निराकरण के खातिर विधानसभा अध्यक्ष डॉ. चरणदास महंत, जलसंसाधन मंत्री रविन्द्र चौबे, विधायक रामकुमार यादव सहित जिला प्रशासन डहर ले करे गे प्रयास के सराहना किरस।
विधानसभा अध्यक्ष डॉ. चरणदास महंत-
विधानसभा अध्यक्ष डॉ. चरणदास महंत ह किसान मन के भू-अर्जन के लंबित प्रकरण के निदान अउ मुआवजा रकम के वितरण के खातिर मुख्यमंत्री भूपेश बघेल के आभार जताइस। ओमन किहिन के भू-अर्जन के ये मामला सालभर ले लंबित रिहिस जेकर निदान छत्तीसगढ़ सरकार ह करे हवय। आज किसान मन ल मुआवजा रकम मिलत हावय, ये हम सब के खातिर खुशी के बात आए।
जल संसाधन मंत्री रविन्द्र चौबे-
जल संसाधन मंत्री रविन्द्र चौबे ह किहिन के ए बैराज ले किसान मन के सिंचाई के खातिर पानी मिलही, इही ल लेके मुख्यमंत्री भूपेश बघेल के निर्देश के परिपालन म जलसंसाधन विभाग डहर ले बैराज के दुनों तट म मेगा लिफ्ट एरीगेशन प्रोजेक्ट प्रस्तावित करिन। येकर ले 15 हजार हेक्टेयर ले जादा रकबा म किसान मन के जलापूर्ति होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।