अंजोर.धमतरी, 04 जुलाई 2021। वैश्विक महामारी कोरोना ले जिला के नागरिक ल बचाये अउ शासन डहर ले समय-समय म जारी जरूरी निर्देश के परिपालन म अवइया 12 जुलाई के रथयात्रा नइ निकाले जाए। अनुविभागीय दण्डाधिकारी धमतरी ह बताइन के धमतरी शहर म आयोजित करइया रथयात्रा म बड़ संख्या म श्रद्धालु मनके सामिल होए के संभावना बने हावय। संग ही कलेक्टर अउ जिला दण्डाधिकारी पी.एस.एल्मा डहर ले जिला म धारा 144 अउ आपदा प्रबंधन अधिनियम 2005 सह पठित एपीडेमिक डिसीस एक्ट 1987 यथा संशोधित 2020 अभी भी प्रभावशील हावय। येकर सेती रथयात्रा निकाले के अनुमति देना संभव नइ हावय।
ओमन बताइन के ट्रस्ट डहर ले चाहे गे आन कार्यक्रम के अनुमति जइसे मंदिर परिसर म पूजा-प्रतिष्ठान, प्रसाद अउ काढ़ा वितरण अउ महाआरती के अनुमति करार तिथि अउ समय के खातिर दे गे हावय। ये सबो आयोजन के समय श्री जगदीश मंदिर ट्रस्ट डहर ले कोरोना गाइडलाइन जइसे-मास्क लगाना, सोशल डिस्टेंसिंग उक के पालन करना अनिवार्य होही।
जानबा हावय के श्री जगदीश मंदिर ट्रस्ट डहर ले भगवान जगन्नाथ के रथयात्रा के आयोजन अउ उंकर पहिली होवइया कार्यक्रम जइसे भगवान के स्नान, काढ़ा वितरण उककी अनुमति के खातिर अनुविभागीय दण्डाधिकारी ल आवेदन प्रस्तुत करे हावय। ए संबंध म समिति के संग आहूत बइठक म बताइन के जिला म अभी भी 15-20 कोरोना संक्रमित मनखे मिलत हावयं। येकर अलावा प्रदेश म बिते दो-तीन दिन ले कोरोना संक्रमित मनखे मन के संख्या दुगुनी होगे अउ दक्षिण सीमावर्ती जिला ले कोरोना के नवा डेल्टा वेरिएंट संक्रमण के आशंका बने हावय। ये सेती अवइया 12 जुलाई के रथयात्रा निकाले के अनुमति नइ होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।