अनुविभागीय दण्डाधिकारी अउ इंसीडेंट कमाण्डर प्रदीप साहू ह बताइन के कलेक्टर के निर्देशानुसर 4 जुलाई के रिंग रोड़ म ट्रांसपोर्ट नगर अम्बिकापुर स्थित चैरसिया मेरिज गार्डन म 2 जुलाई 2021 शुक्रवार के संपन्न होवइया वैवाहिक कार्यक्रम के जाचं करे गिस। जाचं म पता चलिस के करीब 1 हजार लोगन ल सकेल करके कोराना गाईडलाईन के उल्लंघन करत वैवाहिक कार्यक्रम के आयोजन करे गिस।
ओमन ह बताइन के जिला म वैवाहिक कार्यक्रम म शामिल होवइया मनखे मन के अधिकतम संख्या 50 करार करे गे हावय। जबकि ए वैवाहिक कार्यक्रम म कोरोना गाईडलाईन के ये नियम के उल्लघंन के सेती चैरसिया मेरिज गार्डन के संचालक विरेन्द्र चैरसिया के विरूद्ध 4 लाख 75 हजार अउ बिहाव करवइया वर के पिता सरोज साहू म 2 लाख 37 हजार अउ वधु के पिता प्रकाश साहू म 2 लाख 37 हजार रूपिया अर्थदण्ड अधिरोपित करे गे हावय अउ अर्थदण्ड के भुगतान नगर निगम कार्यालय के प्रस्तुत करे के निर्देश दे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।