स्व-सहायता समूह के शिकायत म अवैध वसूली के सेती सत्या माइक्रो केपिटल लिमिटेड फाइनेंस कंपनी के दफ्तर सील

अंजोर.अम्बिकापुर, 04 जुलाई 2021। चिटफंड कंपना मनके अवैध वसूली म जिला प्रशासन डहर ले नकेल कसे जात हावय। इही कड़ी म स्व-सहायता समूह के महिला मन के शिकायत के आधार म एसडीएम अम्बिकापुर के नेतृत्व म राजस्व विभाग के टीम डहर ले केदारपुर के सत्या माइक्रो केपिटल लिमिटेड नाम के माइक्रो फाइनेंस कंपनी के कार्यालय म दबिश देके कागजात अउ आन गतिविधी के जांच करे गिस। जांच म अवैध वसूली अउ कोविड प्रोटोकाल के उल्लंघन पाए जाये म कार्यालय ल सीलबंदी के कार्यवाही अवइया आदेश पर्यन्त करे गिस।

एसडीएम प्रदीप साहू ह बताइन के अम्बिकापुर जनपद के छुहीपारा स्व सहायता समूह के महिला मन के डहर ले आवेदन दे गे रिहिस के सत्या माइक्रो केपिटल लिमिटेड के डहर ले बैंक ले फाइनेंस कराये गे रकम के अवैध वसूली करके मानसिक रूप ले प्रताड़ित करे जात हावय। ओमन बताइन के एसडीएम कोर्ट ले ये कंपनी के वसूली नइ करे के खातिर स्थगन आदेश जारी करे गे हावय। जांच के बखत कंपनी के कर्मचारी मन ह कबूले हावय उंकर डहर ले समूह के महिला मन ले रकम वसूले जात हावय। येकर संग ही कार्यालय म कोविड प्रोटोकॉल जइसे मास्क पहनना सोशल डिस्टेंसिंग अउ सैनिटाइजर रखे के पालन नइ करे जात रिहिन रिहिस। अवैध वसूली अउ नियम के उल्लंघन के सेती कंपनी के कार्यालय ल अवइया आदेश तक सील करके दे गे हावय।