अंजोर.रायपुर, 11 जून 2021। स्कूल शिक्षा मंत्री डॉ. प्रेमसाय सिंह टेकाम ह आज संझा अपन निवास कार्यालय म छत्तीसगढ़ संस्कृत विद्यामण्डलम् रायपुर डहर ले आयोजित साल 2021-21 के पहिली मध्यमा पहिली अउ द्वितीय साल (हाई स्कूल 9वीं अउ 10वीं) के वार्षिक परीक्षा परिणाम घोषित करिन। सत्र 2020-21 के मुख्य परीक्षा कोविड-19 ल धियान म रखत असाईनमेंट के आधार म आयोजित करे गिस। एमे पढ़ईया मन के परीक्षा परिणाम शत-प्रतिशत रिहिन। मंत्री डॉ.टेकाम ह पास सबो पढ़ईया मनला बधाई अउ शुभकामना देत किहिन के छत्तीसगढ़ संस्कृत विद्यामण्डलम् अवइया शिक्षण सत्र ले रोजगार मूलक पांच डिप्लोमा पाठ्यक्रम-पौराहित्यम् (पुरोहिती), आयुर्वेद, योगदर्शनम्, प्रवचनम् अउ ज्योतिष शास्त्रम् शुरू करही। येकर खातिर कार्ययोजना तइयार करे जात हावय।
संस्कृत विद्यामण्डलम् डहर ले आयोजित कक्षा 9वीं पहिली मध्यमा पहिली साल के परीक्षा म कुल 942 पढ़ईया सम्मिलित होइस, जेमा 548 बालक अउ 394 बालिकाएं हावयं। इही रकम ले कक्षा 10वीं पहिली मध्यमा द्वितीय साल के परीक्षा म कुल 1036 पढ़ईया शामिल होइस, एमे 625 बालक अउ 411 बालिका हावयं। सबो पढ़ईया मन के परीक्षा परिणाम 100 प्रतिशत रिहिन। कक्षा 10वीं के परीक्षा म 390 बालक अउ 304 बालिका पहिली श्रेणी, 82 बालक अउ 17 बालिका द्वितीय श्रेणी म अउ 17 बालक अउ 9 बालिका तृतीय श्रेणी म पास होइस। सबले जादा 86.14 प्रतिशत अंक अर्जित करे गे।
ए मउका म छत्तीसगढ़ संस्कृत विद्यामण्डलम् के सचिव राजेश कुमार सिंह, सहायक संचालक श्रीमती पूर्णिमा पाण्डेय, लक्ष्मण प्रसाद साहू, दुग्धाधारी मठ के प्राचार्य कृष्ण वल्लभ शर्मा सहित संस्कृत विद्यामण्डलम् के अधिकारी भी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।