अंजोर.रायपुर, 11 जून 2021। कोविड-19 के अभी के बेरा ल देखत राज्य सरकार ह आम जनता के बुता के लघियात निराकरण के खातिर सोमवार 14 जून ले सबो श्रेणी के अधिकारी-कर्मचारी मनके शतप्रतिशत उपस्थिति के संग मंत्रालय, विभागाध्यक्ष कार्यालय अउ आन जिला कार्यालय संचालित करे के निर्देश दे हावयं। ये कार्यालय म आम जनता के प्रवेश के कोविड-19 के खातिर करार निर्देश के पालन के शर्त म शिथिल करे गे हावय। कोविड-19 के स्थिति ल धियान म रखत पहिली म मंत्रालय, विभागाध्यक्ष कार्यालय म 50 प्रतिशत उपस्थिति के निर्देश जारी करे गे रिहिस। संग ही आम जनता के प्रवेश के प्रतिबंधित करे गे रिहिस।
सामान्य प्रशासन विभाग डहर ले आज महानदी भवन ले मंत्रालय, विभागाध्यक्ष अउ जिला कार्यालय के संचालन बर जारी आदेश म सबो कार्यालय म 14 जून, सोमवार ले सबो श्रेणी के अधिकारी मन,कर्मचारी मनके शतप्रतिशत उपस्थिति सुनिश्चित करे ल किहिन हावय। सबो अधिकारी मन अउ कर्मचारी मन ल कोविड-19 के संक्रमण के रोकथाम बर करार मापदंड जइसे मास्क लगाना, एक दूसर ले पर्याप्त दूरी बनाये रखना, सेनिटाइजर के समय-समय म उपयोग करे उक के कड़ाई ले पालन करना केहे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।