अंजारे.राजनांदगांव, 12 जून 2021। कलेक्टर तारन प्रकाश सिन्हा ह आज गौरव पथ स्थित एकेडेमिक कैम्पस के निरीक्षण करिन। ओमन किहिन के डीएमएफ मद ले 10 करोड़ 98 लाख रूपिया के लागत ले बनत एकेडेमिक कैम्पस जिला के एजुकेशन हब के रूप म स्थापित होही, जेकर ले जिला म शिक्षा के स्थिति मजबूत बनही। दूरस्थ वनांचल के गरीब अउ जरूरतमंद लइका के खातिर ये कैम्पस आने वाला दिन म उपयोगी साबित होही। ओमन मुख्य भवन अउ आन बुता के जानकारी लिस अउ नगर निगम आयुक्त आशुतोष चतुर्वेदी ल एला लघियात ही पूरा करे के निर्देश दिस। ओमन किहिन के भवन म लाईब्रेरी विशेष रूप ले बहुत अच्छा बनावे।
नगर निगम आयुक्त ह बताइन के एकेडेमिक कैम्पस म पढ़े के खातिर दू रिडिंग लाईब्रेरी अउ दू डिजिटल लाईब्रेरी के निर्माण करे जात हावय। पहिली तल म पार्किंग अउ कैन्टीन के बेवस्था रइही। मुख्य भवन के पाछु पढ़ईया मन के खातिर हॉस्टल के बनाये गे हावय, जिहां 25 कमरे हावय। कलेक्टर ह भवन के देखरेख म विशेष धियान दे ल किहिन। एकेडेमिक कैम्पस म कोनो अच्छा कोचिंग संस्थान ले लइका ल अध्ययन कराये के बेवस्था करे भी योजना बनाये ल किहिन। इंजीनियर ह ओला फिनिशिंग बुता प्लास्टर, टाईल्स कार्य, पहिली तल म ब्रिक वर्क कार्य, भूतल म प्लास्टर अउ विद्युतीकरण बुता अउ द्वितीय तल म ब्रिक वर्क बुता बांउड्रीवाल, नाली, रोड के संबंध म जानकारी दीस अउ बताइन के मुख्य द्वार निर्माण बुता प्रगति म हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।