अंजोर.रायपुर, 12 जून 2021। भारतीय प्रशासनिक सेवा के 2007 बैच के अधिकारी यशवंत कुमार ह आज छत्तीसगढ़ टूरिज्म बोर्ड के प्रबंध संचालक के कार्यभार ग्रहण करिन। ओमन बोर्ड के शाखा प्रमुख के बइठक लेके छत्तीसगढ़ टूरिज्म बोर्ड डहर ले राज्य म संचालित आने-आने पर्यटन गतिविधी के जानकारी लिस। ओमन राज्य सरकार के महत्वाकांक्षी राम वन गमन पर्यटन परिपथ परियोजना के चिन्हांकित जगह म क्रियान्वित करे जात विकास बुता के विस्तार ले जानकारी लिस अउ ये बुता ल करार बेमरा म पूरा करे बर विशेष प्रयास करे के निर्देश अधिकारी मन ल दिस।
ओमन बोर्ड के आने-आने योजना ट्राइबल टूरिज्म सर्किट, बुद्धिस्ट सर्किट सिरपुर, प्रसाद योजना के मां बम्लेश्वरी मंदिर डोंगरगढ़ के कार्य के बारे म जानकारी लिस अउ ये सबो परियोजना मनके निर्माण गति के म तेजी लाने के निर्देश दिस। ओमन बोर्ड के अधिकारी-कर्मचारी मन ले परिचय करिन अउ टीम भावना ले बढि़या बुता प्रदर्शन करे ल किहिन। यशवंत कुमार ह कोरोना महामारी संक्रमण के धियान म रखत अभी के बेरा म घरेलु पर्यटन के तनि पर्यटक ल प्रेरित करे के विशेष प्रयास करे के बात कहिन।
जानब होवय के फोटोग्राफी, पर्यटन अउ एडवेंचर गतिविधी म विशेष रूचि रखे वाला भारतीय प्रशासनिक सेवा के अधिकारी यशवंत कुमार नारायणपुर, बीजापुर, रायगढ़ अउ जॉजगीर-चांपा के कलेक्टर के रूप म सेवा दे चुके हावयं। ओला संचालक कृषि के पद म पदस्थ करत प्रबंध संचालक छत्तीसगढ़ टूरिज्म बोर्ड अउ गन्ना आयुक्त के अतिरिक्त प्रभार सौपे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।