अंजोर.रायपुर, 10 जून 2021। जंगल मंडल रायपुर डहर ले संचालित आने-आने विकास बुता के निरीक्षण बिते दिन राज्यसभा सांसद श्रीमती छाया वर्मा, संसदीय सचिव चन्द्रदेव राय अउ धरसींवा विधायक श्रीमती अनिता शर्मा डहर ले करे गिस। उंकर डहर ले ए बखत राजधानी के तिर म मोहरेंगा गां के प्राकृतिक पर्यटन केन्द्र अउ वन्य जीव मन के संरक्षण बर बनाए गे इंदिरा प्रियदर्शनी नेचर सफारी म फलदार पौधा मन के रोपण भी करिन।
निरीक्षण के बखत उंकर डहर ले नेचर सफारी मोहरेंगा के प्रबंधन अउ योजना के बारे म जानकारी लेके संग उहां के वन संपदा, पेड़ के प्रजाति, वन्य प्राणी उक के अवलोकन करिन। येकर पाछु वन मंडल रायपुर ले मूरा के सामाजिक वानिकी अनुसंधान अउ विस्तार के शीट प्रोडक्शन एरिया अउ नर्सरी अउ माना के नर्सरी के निरीक्षण उंकर डहर ले करे गिस। ए बखत उंकर डहर ले रायपुर वन मंडल ले वर्षा ऋतु म पौधा रोपण के तइयारी के जानकारी लिस अउ येकर सफल संचालन के खातिर संबंधित विभागीय अधिकारी मन के जरूरी निर्देश दे गिस। जंगल मंडलाधिकारी रायपुर विश्वेश झा ह बताइन के चालू साल के बखत वन मंडल रायपुर ले 10 लाख 94 हजार 755 पौधा मन के वितरण के लक्ष्य हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।