रुद्री-सांकरा सड़क के लोकार्पण करही मुख्यमंत्री भूपेश बघेल

अंजोर.धमतरी, 10 जून 2021। मुख्यमंत्री भूपेश बघेल के हाथ ले वर्चुअल लोकार्पित होही मुख्यमंत्री गांव सड़क योजना के तहत बना 12 किलोमीटर लंबा रुद्री ले सांकरा (छाती) पहुंच मार्ग। लंबा समय ले क्षेत्र के जनता के मांग के देखत मुख्यमंत्री ग्राम सड़क योजना के तहत ए सड़क के स्वीकृति मिले अउ छत्तीसगढ़ ग्रामीण विकास अभिकरण डहर ले 12 करोड़ 10 लाख के लागत ले तइयार करे गिस हावय। 

ये सड़क एक रकम ले बायपास के काम करत नगरी ले होके राजधानी रायपुर तनि जवइया अउ वो कोति ले नगरी, रुद्री के तनि आने वाला राहगीर के खातिर समय बचाये अउ धमतरी शहर के ट्रैफिक के दबाव ल कम करही। ए सड़क के बन जाये ले लोगन अब रुद्री के मुख्य नहर किनारे बने ए पहुंच मार्ग ले होवत छाती (सांकरा) आसानी ले पहुंच सकत हावयं। येकर ले रुद्री, शंकरदाह, कोलियारी, सम्बलपुर अउ सांकरा के लगभग 9,964 गांव वाला के आवागमन म सुविधा होही। संग ही नहर किनारे के खेती करइया किसान मन ल भी राहत मिलही।