Korba Police : अपहरण करके फिरौती बर धमकावत 04 आरोपी गिरफ्तार ...पढ़व कहां के हरय मामला अउ कइसे होइस गिरफ्तारी

अंजोर.कोरबा, 12 जून 2021। कोरबा जिला के थाना कुसमुंडा म एक बड़का घटना के पहिली ही पुलिस आरोपी मनला धर दबोचिस। पुलिस के बताती ले प्रार्थी ल संग म लेके गेवरा बस्ती तालाब के पास पहुंच के पइसा के बेवस्था करे के भरोसा देवाके आरोपी मन के कब्जा ले अपहृत तेज प्रकाश यादव ल सकुशल बरामद करे गे हावय प्रार्थी भागवत प्रसाद यादव निवासी बेलटिकरी थाना दीपका ह थाना आके एक लिखित आवेदन करके सूचना दर्ज कराइन के नाती तेज प्रकाश यादव पिता राजाराम यादव उमर 22 साल निवासी बेललटिकरी दीपका ल  रात 12:30 बजे अपन परिचित ले मिले गेवरा बस्ती आये रिहिस जेन रात के घर वापस नइ आइस। 

बिहनिया प्रार्थी के मोबाइल ले ओकर नाती तेज प्रकाश यादव ह फोन करके बताइन के वो ह अपन परिचित ले मिलके वापस जा रिहिस के रद्दा म गेवरा बस्ती निवासी करन मिरी, जगमोहन श्रीवास, दिवाली दास महंत अउ मेलू बिंझवार के डहर ले एला पकड़ करके एक सुनसान कमरा म ले जाके मारपीट करके एक लाख रूपिया के मांग करत अउ पइसा नइ दे म जान ले मार दे के धमकी दीस। जेमा प्रार्थी अपन दूसर नाती विष्णु के संग गेवरा बस्ती पहुंचा अउ तेज प्रकाश के मोबाइल नंबर म कॉल करके जगह के बारे म पूछिस तब तालाब के पास गेवरा बस्ती म होए के बात बताइन। 

प्रार्थी के रिपोर्ट म अपराध क्रमांक 240/2021 धारा 342,364(ए) 365,34 भादवि अपराध पंजीबद्ध करके तुरते वरिष्ठ अधिकारी मन ल अवगत कराये गिस। जेन म पुलिस अधीक्षक कोरबा अभिषेक मीणा के निर्देश के मुताबिक अतिरिक्त पुलिस अधीक्षक कीर्तन राठौर नगर पुलिस अधीक्षक खोमन लाल सिन्हा के मार्गदर्शन म तुरते निरीक्षक सनत सोनवानी थाना प्रभारी कुसमुंडा के नेतृत्व म पुलिस टीम डहर ले प्रार्थी के संग म लेके गेवरा बस्ती तालाब के पास पहुंचे गे। पइसा लेके खोडरी रोड़ के सुनसान इलाका म सतरंगी ढाबा म बुलाये म प्रार्थी ल लेके कुसमुंडा पुलिस टीम खोडरी के सतरंगी ढाबा म पहुंच के घेराबंदी करके तेज प्रकाश यादव ल सकुशल बरामद करिस। अउ अपराध धारा सदर के घटना घटित करे पाये जाये ले आरोपी मनला न्यायिक रिमांड म भेजा गे हावय। ये कार्यवाही म निरीक्षक सनत सोनवानी, उपनिरीक्षक शिवकुमार धारी,  सउनि रफीक खान, प्रधान आरक्षक संतोष सिंह, आरक्षक संजय तिवारी, संजय बर्मन, सुनील जोशी के जबर भूमिका रहिस।