अंजोर.धमतरी, 11 जून 2021। मुख्यमंत्री भूपेश बघेल ह अपन निवास कार्यालय म आयोजित वर्चुअल कार्यक्रम म धमतरी जिला म 271 करोड़ 51 लाख रूपिया के लागत के 270 बुता के लोकार्पण अउ शिलान्यास करिन। एमे ले 115 करोड़ 77 लाख रूपिया के लागत के 146 बुता के लोकार्पण अउ 155 करोड़ 74 लाख रूपिया के लागत के 124 बुता के शिलान्यास करिन। मुख्यमंत्री ह कार्यक्रम म जिला म शासन के आने-आने योजना मन ले लाभान्वित हितग्राही मन ले गोठबात भी करिन।
कार्यक्रम म धमतरी म उद्योग मंत्री कवासी लखमा अउ मुख्यमंत्री निवास म गृह मंत्री ताम्रध्वज साहू, कृषि मंत्री रविन्द्र चौबे, वन अउ जलवायु परिवर्तन मंत्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम, खाद्य आपूर्ति निगम के अध्यक्ष रामगोपाल अग्रवाल, मुख्यमंत्री के अपर मुख्य सचिव सुब्रत साहू अउ मुख्यमंत्री के सचिव सिद्धार्थ कोमल परदेशी भी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।