दुर्ग जिला हिन्दी साहित्य समिति के नवा कार्यकारिणी, श्रीमती सरला शर्मा बनिस अध्यक्ष

अंजोर.दुर्ग, 03 जून 2021। दुर्ग जिला हिन्दी साहित्य समिति के आमसभा के वार्षिक बइठक पाछु दिन तृप्ति रेस्टोरेंट दुर्ग म आयोजित करे गे रिहिस। जेन म कोरम पूरा होए के बाद नवा कार्यकारिणी पदाधिकारी मनके चुनाव करे गिस। सोशल मीडिया ले मिले आरो के मुताबिक पदाधिकारी म सर्वसम्मति ले अध्यक्ष - श्रीमती सरला शर्मा, उपाध्यक्ष - श्रीमती विद्या गुप्ता, उपाध्यक्ष - विजय गुप्ता, सचिव - बलदाऊ राम साहू, कोषाध्यक्ष - प्रदीप वर्मा, सहसचिव - इसराइल शाद, प्रचार प्रसार/संगठन सचिव - शिवाकांत तिवारी ल चुने गिस। 

इही रकम ले डॉ. संजय दानी, संजीव तिवारी, अरुण कुमार निगम, अरुण कसार, रमाकांत बरड़िया, निज़ाम राही, आलोक नारंग मन दुर्ग जिला हिन्दी साहित्य समिति के कार्यकारिणी सदस्य होही। सियान साहित्यकार संरक्षक पंडित दानेश्वर शर्मा, रवि श्रीवास्तव, गुलबीर भाटिया संग चुनाव अधिकारी गुलबीर सिंह भाटिया अउ सहयोगी अरुण कसार के नेतृत्व म चुनाव सम्पन्न हुए के बाद नवा पदाधिकारी मनला जिम्मेदारी सउपे गिस। ये मउका दुर्ग जिला हिन्दी साहित्य समिति के नवा कार्यकारिणी ल सबो साहित्यकार मन बधाई अउ शुभकामना दीस।