Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Balodabazar Police : पइसा के लालच म 6 साल के भतिजा के हत्याय, आरोपी कका संग दू अऊ गिरफ्तार


अंजोर.बलौदाबाजार, 30 जून 2021। थाना भाटापारा गामीण ह गांव गोगिया होए नाबालिक लइका सचिन दिवाकर उर्फ लाला उमर 6 साल के हत्या के आरोपी ल 24 घण्टे के अंदर गिरफ्तार हरे हावय। मिले आरो के मुताबिक ओकर कका ही पइसा के लालच म आके रस्सी ले गला घोंटके करे रिहिस हत्या। मृतक परिवार ले आपसी रंजिश के सेती हत्या करइया आरोपी के देवया एक अउ आरोपी ल पकड़े हावय दूसरा 01 आरोपी फरार हावय। गिरफ्तार कोति ले पकड़े आरोपी म  सुरेश दिवाकर पिता कान्हुन दिवाकर उमर 20 साल निवासी गोगिया अउ भगवंता महिलांग पिता मेधुराम महिलांग उमर 55 साल निवासी गोगिया भाटापारा ल रिपोर्ट म देहाती मर्ग इंटीमेशन क्रमांक 00/2021 धारा 174 जा.फौ. अउ देहाती नालसी अपराध कमांक 00/2021 धारा 302,201 भादवि पंजीबद्ध करके असल नंबर म मर्ग क्रमांक 71/2021 धारा 174 जा.फौ. अउ असल नंबर म अपराध क्रमांक 234/2021 धारा 302,201 भादवि पंजीबद्ध करके विवेचना म लिस। 

पुलिस के बताती गांव गोगिया म नाबालिक बालक के हत्या के सूचना मिले म थाना भाटापारा गामीण पुलिस मउका म पहुंच के सूचना के तस्दीक करे घटना जगह गांव गोगिया अश्वनी मनहरे के बाड़ी म मृतक बालक के शव पड़े मिलिस।   प्रार्थी कन्हैया दिवाकर के नाती सचिन उर्फ लाला के लाश अश्वनी मनहरे के बाड़ी म घेरा के नजदीक दिवाल ओरवाती के पास जमीन म चित हालत म पड़े रिहिस हावय जेकर गला म रस्सी ले गला घोटे के निशान दिखत रिहिस। बड़का अधिकारी मनके निर्देशन म अलग अलग पुलिस टीम तइयार करके अज्ञात आरोपी के पतसाजी बर लगाये गिस इही बखत आरोपी सुरेश दिवाकर खुदे थाना पहुंच के जुर्म कबुल कर लिस। आरोपी ह जुर्म कबुल करत सुबेदास महिलांग अउ भगवंता महिलांग के कहे म पइसा के लालच म हत्या करा स्वीकार करिस। हत्या करवइया आरोपी भगवन्ता महिलांग ल पता तलाश करके पकड़ं गे हावय उहंचे एक अऊ आरोपी सुबेदास फरार हावय जेकर सरलग पतासाजी करे जात हावय।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - प्रकाश मोबाईल सेंटर अमलीडीह (पानी टंकी के सामने), रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285