अंजोर.धमतरी, 7 जून 2021। पुलिस अधीक्षक धमतरी ह पदोन्नत होए एएसआई के स्टार लगाके करिन पदोन्नत। पुलिस महानिदेशक डी.एम. अवस्थी डहर ले छत्तीसढ़ राज्य के आने-आने जिला म पदस्थ 106 सहायक उप निरीक्षक के पदोन्नति आदेश जारी करे हावय। जेमा धमतरी जिला के थाना भखारा म पदस्थ सउनि गोवर्धन सिंह ठाकुर, थाना सिटी कोतवाली म पदस्थ सउनि चिरोंजी लाल साहू अउ थाना सिहावा म पदस्थ सउनि गैंदलाल साहू ल उप निरीक्षक के पद म पदोन्नत करे गे हावय। पुलिस अधीक्षक जिला धमतरी अउ श्रीमती मनीषा ठाकुर रावटे अतिरिक्त पुलिस अधीक्षक जिला धमतरी डहर ले ये सहायक उप निरीक्षक के पुलिस कार्यालय म स्टार लगाके उप निरीक्षक के पद म पदोन्नत करके बधाई दीस अउ उप निरीक्षक के पद अपन पदीय कर्तव्य के बेतहर प्रदर्शन करे बर प्रोत्साहित करके उज्जवल भविष्य के कामना करिन।
पदोन्नत होए उप निरीक्षक म पुलिस अधीक्षक धमतरी डहर ले उनि गैंद लाल साहू अउ उनि चिरोंजी लाल साहू के यथावत थाना सिहावा अउ कोतवाली म रखत उनि गोवर्धन ठाकुर ल थाना भखारा ले थाना अर्जुनी पदस्थ करे गे हावय। ये मउका म नवनीत पाटिल थाना प्रभारी सिटी कोतवाली, मानसिंह साहू मुख्य लिपिक, अखिलेश शुक्ला(स्टेनो), लक्ष्मी ध्रुव स्थापना शाखा प्रभारी, सनत वर्मा वेतन शाखा प्रभारी, प्रेमप्रकाश उपाध्याय सउनि अउ आरक्षक म विजय शर्मा, विनोद राय, ओम प्रकाश साहू उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।