अंजोर.रायगढ़, 7 जून 2021। एसपी संतोष सिंह डहर ले अवैध शराब म कार्रवाई के मिले निर्देश म जूटमिल टीआई अमित शुक्ला क्षेत्र म अपन विश्वसनीय मुखबिर लगाके अवैध शराब के सूचना दे खातिर निर्देशित करे रिहिस। करीब पांच दिन पहिली ओला मुखबिर डहर ले नेतनागर जंगल भीतर गांव के लोगन डहर ले अवैध शराब महुआ शराब बनाये के सूचना म स्टाफ डहर ले तस्दीक करके टीआई ल अवगत कराके कार्रवाई खातिर चौकी के 10 जवान नेतनागर रवाना करे गिस। बिहनिया करीब 04 बजे टीआई अमित शुक्ला के नेतृत्व म टीम जंगल भीतर पहुंचे, अउ मुखबिर डहर ले बताये गे ठऊर ल चारों तनि ले घेराबंदी करके नेतनागर के मनबोध नाम के मनखे मउका ल शराब बनाते पकड़ा गिस।
मउका म पुलिस डहर ले 215 लिटर देशी महुआ शराब, 60 बोरी पास(रॉ मटेरियल) 04 नग जर्मन के घड़ा, एक मोटर सायकल आदि जप्त करे गिस। जप्त 60 बोरी महुआ पास के मउका म ही स्टाफ डहर ले नष्टीकरण करके पंचनामा बनाये गिस। आरोपी मनबोध साव पिता घुरूव साव उमर 39 साल साकिन नेतनागर चौकी जूटमिल पूछताछ म अवैध बिक्री के खातिर शराब बनाना अउ सरलग समय बदल करके जंगल म शराब बनाना बताइन।
मिले आरो के मुताबिक आरोपी के विरूद्ध चौकी जूटमिल म धारा 34(2), 59(क) आबकारी एक्ट के कारवाई करके आरोपी ल न्यायालय रिमांड म भेजा गे हावय। येकर पहिली भी जूटमिल पुलिस नेतनागर के जंगल म अवैध शराब बनाए जाये के सूचना म कार्यवाही करे हावय। ये कार्यवाही म चौकी प्रभारी निरीक्षक अमित शुक्ला, प्रधान आरक्षक मो. दिलदार कुरैशी, विजय गोपाल, नरसिंग नाथ यादव, आरक्षक बनारसी सिदार, सत्या यादव, किर्तन यादव, प्रताप बेहरा, श्याम सिदार, पदमेश डेंजारे, ओशनिक विश्वाल के सराहनीय भूमिका रेहे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।