राजीव गांधी ग्रामीण भूमिहीन कृषि मजदूर न्याय योजना : 12 लाख ग्रामीण भूमिहीन कृषि मजदूर म मिलही लाभ

अंजोर.रायपुर, 30 जून 2021। मुख्यमंत्री भूपेश बघेल ह किहिन के राज्य के ग्रामीण अंचल के भूमिहीन कृषि मजदूर मन ल आर्थिक मदद दे के खातिर राजीव गांधी ग्रामीण भूमिहीन कृषि मजदूर न्याय योजना इही वित्तीय साल ले लागू होही। येकर लाभ राज्य के लगभग 12 लाख ग्रामीण भूमिहीन कृषि मजदूर मन ल मिलही। मुख्यमंत्री भूपेश बघेल आज अपन निवास कार्यालय म कृषि, जल संसाधन, राजस्व, वन विभाग के कार्य के समीक्षा के बखत राजीव गांधी ग्रामीण भूमिहीन कृषि मजदूर न्याय योजना ले हितग्राही मन ल लाभान्वित करे के कार्ययोजना तइयार करे के निर्देश दिस। 

मुख्यमंत्री भूपेश बघेल के नेतृत्व म ये योजना राज्य के तीसरा अइसे जरूरी योजना हावय, जेकर जरिए हम ग्रामीण भूमिहीन मजदूर मन ल सोज मदद दे जात हावयं। छत्तीसगढ़ सरकार डहर ले संचालित राजीव गांधी किसान न्याय योजना अउ गोधन न्याय योजना दू अइसे योजना हावयं, जेकर गोठबात देश-दुनिया म होत हावय। राजीव गांधी किसान न्याय योजना के जरिए किसान मन ल फसल विविधीकरण अउ उत्पादन अउ उत्पादकता ल बढ़ाये के खातिर आदान मदद (इनपुट सब्सिडी) के रूप म बहुत बड़का धन रकम दे जात हावयं, किसान मन ल अइसन मदद देश के कोनो भी सरकार नइ करत हावय। 

ओमन किहिन के गोधन न्याय योजना के जरिए हम राज्य के गोपालक, किसान मन ले दू रूपिया किलो के दर ले गोबर के खरीदी करके ओला सोज लाभ दे हावन। पूरा हिन्दुस्तान म कहीं भी अइसे योजना नइये। ओमन किहिन के ग्रामीण भूमिहीन कृषि मजूदर ल सोज मदद दे के खातिर मुख्यमंत्री श्री बघेल के घोषणा के मुताबिक राजीव गांधी ग्रामीण भूमिहीन कृषि मजदूर न्याय योजना लागू करे जात हावयं। ये योजना भी छत्तीसगढ़ सरकार के लोकहितैषी योजना होही।