अंजोर.बलौदाबाजार, 30 जून 2021। प्रधानमंत्री रोजगार सृजन कार्यक्रम ले स्वयं के रोजगार लगाये के इच्छुक युवा मन 15 जुलाई तक ऑनलाइन आवेदन कर सकत हावय। जिला व्यापार अउ उद्योग केन्द्र बलौदाबाजार के महाप्रबंधक एस एस बघेल ह बताइन के प्रधानमंत्री रोजगार सृजन कार्यक्रम ले साल 2021- 22 के खातिर हितग्राही मन ल लाभान्वित करे के लक्ष्य मिले हावय।
ए योजना ले स्वयं के उद्यम स्थापित करइया इच्छुक हितग्राही मन ल उद्योग गतिविधि बर अधिकतम 25 लाख रूपिया अउ सेवा उद्योग बर अधिकतम 10 लाख रूपिया तक के करजा राष्ट्रीयकृत बैंक के माध्यम ले उपलब्ध कराये जात हावय। जेमा सामान्य वर्ग के हितग्राही मन ल शहरी क्षेत्र म उद्यम स्थापना म 15 प्रतिशत अउ ग्रामीण क्षेत्र म 25 प्रतिशत अनुदान अउ अजा, अजजा, पिवर्ग, अल्पसंख्यक, महिला, भूतपूर्व सैनिक, शारीरिक रूप ले विकलांग हितग्राही मन ल शहरी क्षेत्र म 25 प्रतिशत अउ ग्रामीण क्षेत्र म 35 प्रतिशत अनुदान के पात्रता होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।