साजा अउ थानखम्हरिया कोविड अस्पताल के निरीक्षण करिस जिला कलेक्टर

अंजोर.बेमेतरा, 11 जून 2021। कलेक्टर भोसकर विलास संदीपान ह काली संझा जिला के विकासखण्ड साजा अउ तहसील थानखम्हरिया के सामुदायिक स्वास्थ्य केंद्र म तइयार करे गे कोविड केयर सेन्टर के औचक निरीक्षण करके उहां के स्वास्थ्य सुविधा के जायजा लिस। ए बखत ओमन ओ.पी.डी., वार्ड के मुआयना, सफाई व्यवस्था, आक्सीजन युक्त बिस्तर अउ मरीज मन के उपलब्ध होवइया भोजन व्यवस्था, चिकित्सा स्टाफ के उपस्थिति उक के संबंध म जानकारी लिस। येकर अलावा कलेक्टर ह कोविड संक्रमण ले निपटे खातिर के खातिर करे जात प्रयास के संबंध म जानकारी लिस।

जिला कलेक्टर श्री भोसकर ह आम नागरिक ले बेहिचक टीकाकरण के अपील करत किहिन के शासन के निर्देश म लोगन ल फोकट म टीकाकरण सरकारी स्वास्थ्य केन्द्र म लगाये जात हावय। आम नागरिक कोरोना संक्रमण ले बांचे के खातिर पहिली अउ दूसरइया खुराक के टीका जरूर लगवावे। निरीक्षण के बखत साजा अनुविभागीय अधिकारी श्रीमती रश्मि ठाकुर अउ ब्लाक चिकित्सा अधिकारी डा. अश्वनी वर्मा उपस्थित रिहिस।