अंजोर.रायपुर, 11 जून 2021। नगरीय प्रशासन, विकास, श्रम मंत्री अउ आरंग विधानसभा के विधायक डॉ. शिवकुमार डहरिया ह नवगठित नगर पंचायत चंदखुरी म 4 करोड़ 78 लाख़ रूपिया ले जादा के बुता के लोकार्पण अउ भूमिपूजन करिन। ए मउका म ओमन नवा भवन के उदघाटन करिन अउ कचरा कलेक्शन रिक्शा, मिनी टिप्पर, टैंकर आदि के लोकार्पण करिन।
कार्यक्रम म मुख्य अतिथि के रूप म शामिल मंत्री डॉ. डहरिया ह किहिन के चंदखुरी के पहचान एक ऐतिहासिक धार्मिक जगह के रूप म पहिली ले हावय। महतारी कौशल्या के मंदिर के विकास के संग रामवनगमन पथ के निर्माण करके ए क्षेत्र ल पर्यटन के रूप म छत्तीसगढ़ सरकार विकसित करत हावय। चंदखुरी ल नगर पंचायत के दर्जा देके ए क्षेत्र ल अउ जादा विकसित करे के पहल सरकार डहर ले करे गिस हावय। अब इहा के विकास बुता के खातिर कई करोड़ रूपिया मिल पाही। चंदखुरी म पर्यटन के द्वार भी खुल जाही। मंत्री डॉ. डहरिया ह किहिन के ग्राम पंचायत होए ले रकम के कमी होती रिहिस, नगर पंचायत बने ले जादा रकम विकास बुता के खातिर मिलही। ओमन किहिन के नगर पंचायत कार्यालय भवन बने अउ विकास बुता के लोकार्पण अउ भूमिपूजन ले विकास म गति आही। मंत्री डॉ. डहरिया ह नवा बने भवन के अवलोकन करिन।
सभाकक्ष म नगर पंचायत समिति के सदस्य मन अउ लोगन के संबोधित करत होए ओमन किहिन के मुख्यमंत्री भूपेश बघेल के नेतृत्व म सरलग विकास बुता के सौगात दे जात हावय। कोरोना काल म भी सरलग विकास के बुता ल गति दे गिस। बिजली, पानी, सड़क, साफ-सफाई के बेवस्था के संग मूलभूत आवश्यकता के पूर्ति म सरकार ह काम करे हावय। ओमन राजीव गांधी किसान न्याय योजना ले किसान मन के लाभान्वित करे अउ समर्थन कीमत बढ़ाये म किसान मन के रकम म बड़वार होए के बात किहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।