अंजोर.महासमुन्द, 11 जून 2021। महासमुन्द जिला के तीन कस्तुरबा गांधी बालिका आवासीय विद्यालय बागबाहरा विकासखण्ड के सुनसुनिया, पिथौरा विकासखण्ड के लाखागढ़ अउ बसना विकासखण्ड के बंसुला म नवा शिक्षा सत्र 2021-22 के खातिर प्रवेश सुरू होगे हावय। जिला मिशन समन्वयक ह बताइन के कक्षा सातवीं अउ आठवीं म खाली सीट के उपलब्धता के आधार म पात्र बालिका मनला प्रवेश दे जाही। ओमन बताइन के गृह त्यागी बालिका, अनाथ बालिका, एकल पालक बालिका, दुरस्थ अंचल के बालिका, निर्धन बालिका, अल्प संख्यक वर्ग के बालिका मन अउ दिव्यांग वर्ग के बालिका मन ल प्राथमिकता दे जाही।
जिला के मिशन समन्वयक ह बताइन के आवासीय विद्यालय म कार्यालय समय म सम्पर्क करके 16 जून 2021 तक आवेदन फार्म लेके जमा कर सकत हावयं। ओमन बताइन के सीट के उपलब्धता के आधार म आवेदन फार्म प्राप्त/जमा करे के तिथि म परिवर्तन करे जात सकत हावय। कोविड-19 के दिशा-निर्देश के पालन करत जादा जानकारी के खातिर सबंधित कस्तुरबा गांधी बालिका आवासीय विद्यालय म सम्पर्क करय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।